Musambu 62
Mfumu wetu nnganyi?
Bia pa mabeji
1. Mfumu webe nnganyi?
Ne nzambi webe nnganyi?
Mfumuebe ngûdi usadila,
nyeye ûdi ukukuila.
Banzambi babidi,
mmunyi muwabalonda?
Neunange mukuabu bikole,
wewe kukina munga.
2. Mfumu webe nnganyi?
Uwakokela nnganyi?
Sungula Nzambi mulelela,
bualu munga ngua dishima.
Kaisa panuapa
nguwalamata anyi?
Peshi n’utumikile Yehowa,
wenza disua diend’anyi?
3. Mfumu wanyi nnganyi?
Yehowa mMfumu wanyi.
Nemmuenzele yeye mudimu
bu Tatuanyi wa mu diulu.
Yeye wakansumba
ku mushinga mukole.
Muanende kufua bua kumpikula;
meme nemmusadile.
(Bala kabidi Yosh. 24:15; Mus. 116:14, 18; 2 Tim. 2:19.)