Kalandriye ka 2011 kadi kakula bua Ntendelelu wa mu Dîku

Tshiena-bualu tshia kalandriye ka Bantemu ba Yehowa ka 2011 tshidi tshiamba ne: Ntendelelu wa mu Dîku. Mu kalandriye aka mbaleje mêku a matuku etu aa ne mêku a mu bikondo bia kale. Kadi kabidi kaleja batendeledi ba Yehowa badi mu mabaka ne badi kabayi banji kubuela mu mabaka balonga Dîyi diende.

Mbazole bantu badibu batele mu Bible bavua basanka bua mikenji ya Yehowa, bualu ivua ibambuluisha bua kutantamena ntatu ivuabu bapeta. (Mus. 1:2, 3) Patudi tumona tshimfuanyi tshionso, netuikale tuvuluka ne: Ntendelelu wa mu Dîku udi ne mushinga nansha tuetu bikale mu dîku dia bantu ba bungi anyi bakese, peshi bikale mu dîku didi bantu bonso bikale bena Kristo anyi didi bakuabu kabayi bena Kristo. Mbakushile muaba mu kalandriye uudi mua kufunda dituku dinudi bateke bua kuenza Ntendelelu wa mu Dîku. Ukadi mufunde dituku adi anyi?