Mudimu muimpe mutambe
1. Mudimu udi wenzeka lelu mmudimu kayi?
1 Bantu bavua bamone muvuabu bondopa masama mu bidimu lukama bia kumpala bakasanka bikole. (Luka 5:24-26) Lelu, tudi tusanka mu mudimu wetu wa kuambuluisha bantu bua kumanya Yehowa. (Buak. 22:1, 2, 17) Bidi bienza disanka dia bungi patudi tubala malu adi aleja mudi Dîyi dia Nzambi ne nyuma muimpe bikudimune nsombelu ya bantu lelu. Kadi tutu tumvua disanka dia bungi menemene mu dienza dia mudimu eu: patutu tulonga ne muntu udi wenda uya kumpala.
2. Patudi tulongesha bantu Bible, tudi tupeta disanka kayi?
2 Nzambi dienda nnganyi? Mmulekele makenga bua tshinyi? Bukalenge bua Nzambi nebuenzele bantu tshinyi? Tutu tupeta disanka patutu tuandamuna nkonko eyi, ne nangananga patutu tumona mudi mulongi usanka padiye umvua malu atudi tumulongesha. (Nsu. 15:23; Luka 24:32) Padi mulongi wenda uya kumpala, udi mua kutuadija pende kuenza mudimu ne dîna dia Yehowa, kushintulula mvuadilu ne ndengejilu wa mubidi wende, kulekelela malu mabi ne kubanga kuyisha bakuabu. Yeye muye too ne ku didilambula ne kutambula, nealue pende muanetu anyi muena mudimu netu. Malu onso aa adi atupesha disanka.—1 Tes. 2:19, 20.
3. Leja malu atudi mua kuenza bua kutuadija kulonga Bible ne muntu.
3 Kuenaku pebe mua kuenza mudimu eu anyi? Wewe musue kuenza mudimu mutambe buimpe eu, ulombe Yehowa bua akuambuluishe utuadije kulonga Bible ne muntu, pashishe wenze malu adi umvuangana ne masambila ebe. (1 Yone 5:14) Yisha miaba ne dîba diudi mua kusangana bantu. Lomba muntu bua kulonga Bible dîba dionso didi mushindu umueneka. (Muam. 11:6) Padi muntu witaba, ukune ntete ya bulelela, pashishe upingane bua kuya kuyela mâyi.—1 Kol. 3:6-9.
4. Bua tshinyi tudi ne bua kuditua mu dilomba bantu bua kubalongesha Bible?
4 Kudi bantu ba bungi batshidi ne nzala ne nyota ya malu makane. Kadi walonga nabu Bible bua kumanyabu Yehowa nnganyi? (Mat. 5:3, 6) Tudifilayi ne muoyo mujima bua kujikija mudimu wa kuyisha ne kulongesha bantu Bible kumpala kua dinowa kufika ku ndekelu.—Yesh. 6:8.