Tukuta tubidi tua mushinga mukese

Umue mushindu muimpe utudi tukuatshisha mudimu wa Bukalenge, mpatudi tufila makuta bua kuyisha mudimu wa buambi pa buloba bujima. Kadi tuetu katuyi ne makuta a bungi?

Dimue dituku, Yezu wakamona mukaji mukamba uvua mupele wela tukuta tukese tubidi mu tshibutshilu tshia ku ntempelo. Dinanga divuaye munange Yehowa ke divua dimusake bua ‘kuela bintu biakadiye nabi bualu, bintu biende bionso bia kudia menemene.’ (Mâko 12:41-44) Yezu wakaleja ne: kufila kuende eku kuvua ne mushinga wa bungi ku mêsu kua Yehowa. Anu bu mamu eu, bena Kristo ba kumpala bonso bakakuatshisha mudimu wa diyisha, pamutu pa kushila anu aba bavua babanji. Mupostolo Paulo wakatela tshilejilu tshia bena ku Makedonia, wamba ne: nansha ‘mu bupele buabu bua bungi, bakatusengelela ne disangelela dia bungi bua kukuatshishangana kua basanto.’​—2 Kol. 8:1-4.

Nanku, tudi mua kufila nansha ‘tukuta tubidi tudi bu nsantima ibidi.’ Bualu tudi bavuluke mutubu bamba ne: kamue kamue wa ba dikumi, anyi ne: nkunde ya bangi ibobele ne mate. Tatu wetu Yehowa utu upeshangana bintu. Nunku, patudi tufila ne muoyo wetu wonso, Yehowa udi usanka, bualu utu ‘Nzambi udi musue muena kupa udi ufila ne disanka.’​—2 Kol. 9:7.