Tumiaminayi maminu a Bukalenge

1. Luayi, nuenu bantu ba Nzambi,

bakadifila kudiye.

Tuenze mudimu wa Mfumuetu,

ne tuende bu muakendaye.

Nukune maminu’a bulelela

mu mioyo yaâvudija.

Panuenza mudimu’eu bimpe nunku

neutumbishishe Yehowa.

2. Amue maminu neamate

mu mioyo idi bu mabue.

Nansha bienzawu bu mamene,

mioyo yabu se mmiatuke.

Palua meba kujingila dîyi,

bia panu, nebabinange.

Kadi manga maminu neatante

muaba muimpe udi bufuke.

3. Bua mudimu webe kutanta,

anu wewe mudifile.

Uyishe bantu ne lutulu,

mioyo nebakudimune.

Tabala ubumbushe ditshina

ne lutulu ne bukitu.

Ke wewe kusanka, kunowa bintu

bimpe misangu ne misangu.