Newenze tshinyi matuku adiku kakuyi midimu?

Bu mutu bantu ba bungi ku nzubu matuku atu bibilu bia malu a ntendelelu anyi bia ditunga bienzeka, misangu ya bungi matuku aa atu bikondo bimpe bia tuetu kuyisha. Tudi tulomba bisumbu bua kuenza programe wa pa buende bua kuyisha matuku aa. Bikala bantu ba bungi mua kubika panyima pa mêba atubu babika matuku makuabu, nebikale bimpe bua nuenu kushintulula mêba anutu nuenza bisangilu bia mudimu wa buambi. Nudi mua kuenza dimanyisha mu Tshisangilu tshia Mudimu bua kumanyisha tshisumbu malu a pa buawu anudi balongolole bua kuyisha dituku adi ne nukankamije bantu bonso bua kuya mu buambi. Kakuyi mpata, matuku aa atu atupesha mpunga wa tuetu kuikisha anyi kuenza malu etu. Kadi katuenaku mua kuyisha mêba nansha ndambu anyi? Nanku nenupete bukole budi bufumina ku dienza mudimu wa tshijila.​—Mat. 11:29, 30.