-
Lukonko lua 13: Bible udi wamba tshinyi bua mudimu?Bible—Nkudimuinu wa bulongolodi bupiabupia
-
-
LUKONKO LUA 13
Bible udi wamba tshinyi bua mudimu?
“Udiku mumone muntu udi mupiluke mu mudimu wende anyi? Yeye neimane kumpala kua bakalenge; kakuimana kumpala kua bantu tshianana to.”
“Muntu udi wiba kibi kabidi to; kadi enze mudimu bikole, wenza mudimu muimpe ne bianza biende, bua amone mua kuikala ne tshintu tshia kuabanyina muntu udi ukengela bintu.”
“Muntu yonso adie, anue ne apetele disanka mu mudimu wende wonso mukole. Ndipa dia kudi Nzambi.”
-
-
Lukonko lua 14: Mmunyi muudi mua kulama bintu biudi nabi bimpe?Bible—Nkudimuinu wa bulongolodi bupiabupia
-
-
LUKONKO LUA 14
Mmunyi muudi mua kulama bintu biudi nabi bimpe?
“Muntu udi munange kupitshisha bikondo bimpe neabuele mu bupele; muntu udi munange mvinyo ne mafuta kakulua mubanji to.”
“Musombi wa bintu mmupika wa musombeshanganyi.”
“Nnganyi wa kunudi udi musue kuibaka tshibumba kayi wanji kusomba, ubadika bungi bua makuta adiye ne bua kutula bua kumona ni udi ne bintu bikumbane bua kutshijikija? Tshianana, udi mua kuibaka tshishimikidi tshiatshi, kadi kayi ukokesha bua kutshijikija, bantu bonso badi batangila nebatuadije kumuseka, bamba ne: ‘Muntu eu wakatuadija kuibaka kadi kavua mukokeshe bua kujikija.’”
“Pakukutabu, wakambila bayidi bende ne: ‘Sangishayi bipese bidi bishale, bua tshintu nansha tshimue katshijiminyi to.’”
-
-
Lukonko lua 15: Mmunyi muudi mua kupeta diakalenga?Bible—Nkudimuinu wa bulongolodi bupiabupia
-
-
LUKONKO LUA 15
Mmunyi muudi mua kupeta diakalenga?
“Kudia bisekiseki muaba udi dinanga nkuimpe kupita kudia ngombe wa manyi muaba udi lukinu.”
“Meme, Yehowa, ndi Nzambi webe, yeye udi ukulongesha bua diakalenga diebe, yeye udi ukulombola mu njila uudi ne bua kuendela.”
“Badi bamanye ne: badi dijinga ne malu a mu nyuma mba diakalenga, bualu Bukalenge bua mu diulu mbuabu.”
“Udi ne bua kunanga mukuebe bu muudi mudinange.”
“Anu bu munutu basue bua bantu banuenzele malu, nubenzele pabu mushindu wa muomumue.”
“Bantu badi bateleja dîyi dia Nzambi ne badilama ke ba diakalenga!”
“Padi muntu ne bintu bia bungi, muoyo wende kawena ufumina ku bintu bidiye nabi to.”
“Nunku bu mutudi ne biakudia ne bilamba, tusanke ne bintu ebi.”
“Disanka dia kufila ndipite dia kuangata.”
-
-
Lukonko lua 16: Mmunyi muudi mua kupita bimpe ne kanyinganyinga?Bible—Nkudimuinu wa bulongolodi bupiabupia
-
-
LUKONKO LUA 16
Mmunyi muudi mua kupita bimpe ne kanyinganyinga?
“Upuila Yehowa bujitu buebe, ne yeye neakuambuluishe. Yeye kakuitaba bua muntu muakane adishinde nansha kakese.”
“Malu adi bantu badi benza mudimu ne muoyo mujima balongolola adi bushuwa afika ku dikumbana, kadi bantu bonso badi balubakana mbatangile bushuwa ku bupele.”
“Kutshinyi to, bualu ndi nebe. Kupampakanyi to, bualu ndi Nzambi webe. Nenkukoleshe, eyowa, nenkuambuluishe, nenkukuate bushuwa ne tshianza tshianyi tshia balume tshia buakane.”
“Nnganyi wa kunudi udi mua kusakidila nkubita umue ku bule bua muoyo wende padiye uditatshisha?”
“Nanku, kanuditatshishi bua dituku didi dilonda nansha, bualu dituku didi dilonda nedikale ne yadi ntatu. Dituku ne dituku didi ne yadi ntatu idi midikumbanyine.”
“Nukebe mua kumanya malu adi ne mushinga wa bungi.”
“Kanusamishi mutu bua tshintu nansha tshimue, kadi mu malu onso, ku diambuluisha dia disambila ne disengelela pamue ne disakidila, numanyishe Nzambi milombu yenu; ne ditalala dia Nzambi didi dipite dijingulula dionso dia malu nedilame mioyo yenu ne bieledi bienu bia meji ku butuangaji bua Kristo Yezu.”
-
-
Lukonko lua 17: Mmunyi mudi Bible mua kuambuluisha dîku dienu?Bible—Nkudimuinu wa bulongolodi bupiabupia
-
-
LUKONKO LUA 17
Mmunyi mudi Bible mua kuambuluisha dîku dienu?
BALUME/BATATU
“Mu mushindu wa muomumue balume badi ne bua kunanga bakaji babu bu mibidi yabu bobu bine. Muntu udi munange mukajende mmudinange yeye muine, bualu kakuena muntu ukadiku mukine mubidi wende, kadi udi uwudisha, uwunanga . . . Yonso wa kunudi udi ne bua kunanga mukajende bu mudiye mudinange.”
“Nuenu batatu, kanuikadi nufiikisha bana benu munda, kadi tungunukayi ne kubakolesha ne mibelu ne didimuija bia Yehowa.”
BAKAJI
“Mukaji . . . udi ne bua kuikala ne kanemu kakole kudi bayende.”
“Nuenu bakaji, kokelayi babayenu, anu bu mudibi bikumbane mu Mukalenge.”
BANA
“Nuenu bana, tumikilayi baledi benu mu buobumue ne Mukalenge, bualu kuenza nunku nkuakane. ‘Nemeka tatuebe ne mamuebe’ ke dîyi dia kumpala didi ne mulayi: ‘Bua malu ebe ende bimpe ne bua ulale matuku a bungi pa buloba.’”
“Nuenu bana, tumikilayi baledi benu mu malu onso, bualu kuenza nunku kudi kusankisha Mukalenge.”
-