Utu wenza mudimu ne JW Library anyi?

JW Library mprograme mupepele wakuambuluisha bua kuambula Bible, mikanda yetu, filme ne mêyi makuata ku Enternete bua kubiela mu telephone, mu tablete anyi mu ordinatere webe.

MUA KUMUPETA: Buela mu jw.org, utangile kuinshi mu TROUVER DE L’AIDE, utute pa Application JW Library bua kumuambula. Programe eu udiku bua biamua bishilashilangane. Anu pautshidi ku Enternete aku, buela mu programe uudi muambule eu, usungule bintu biudi musue kuambula bua kuela mu tshiamua tshiebe. Wewe kuyi ne mushindu wa kubuela ku Enternete kumbelu, udi mua kubiambuila miaba mikuabu idi Enternete. Wewe mumane kuela mikanda mu tshiamua tshiebe, kabiakukulomba kabidi bua kubuela ku Enternete bua kuyibala to. Bu mutubu benda basakidila bintu bikuabu mu JW Library, mbimpe wikala ubuela ku Enternete bua kubisakidila pebe.

BUA TSHINYI KUMUPETA? JW Library udi wambuluisha bikole bua kudilongela Bible ne kulondesha bisangilu bia tshisumbu bimpe. Mmuimpe kabidi bua mudimu wa kuyisha nangananga patudi tuyisha padi mpunga umueneka.