Tuakajayi nyishilu wetu: Ambuluisha balongi ba Bible bua bafike ku didilambula ne ku ditambula

MUSHINGA: Bua Yehowa kuanyishaye balongi ba Bible, badi ne bua kudilambula kudiye ne kutambula. (1Pt 3:21) Pashishe aba badi benza malu mu diumvuangana ne didilambula diabu badi mu bukubi bua mu nyuma. (Ms 91:1, 2) Muena Kristo udi udilambula kudi Yehowa, ki nkudi muntu, mudimu, anyi bulongolodi kampanda to. Nunku, balongi ba Bible badi ne bua kunanga Nzambi ne kuikala ne dianyisha kudiye.​—Lom 14:7, 8.

TSHIA KUENZA:

• Panudi nulonga, umuleje tshidi malu anudi nulonga au aleja bua Yehowa. Utambe kumuambila bua kubala Bible dituku dionso ne kusambila Yehowa “misangu yonso.”​—1Ts 5:17; Yak 4:8

• Ukankamije mulongi bua adifundile tshipatshila tshia kudilambula ne kutambula. Umuambuluishe kabidi bua anji kukumbaja bipatshila bikuabu bu mudi: kuandamuna mu bisangilu, kuyisha bena mutumba ne bena mudimu nende. Vuluka ne: Yehowa katu wenzeja muntu bua kumuenzela mudimu to. Didilambula ndipangadika dia muntu nkayende.​—Dut 30:19, 20

• Saka mulongi webe bua enze mashintuluka adi akengela bua kusankisha Yehowa ne kukumbana bua kutambula. (Nsu 27:11) Bu mudi bimue bikadilu mua kuikala biele miji mu muoyo wende, bidi mua kulomba bua kutungunuka ne kumuambuluisha bua umbushe bumuntu bua kale ne avuale bupiabupia. (Ef 4:22-24) Nubale nende biena-bualu bia mu Tshibumba tshia Nsentedi bia ne: “Bible utu ushintulula bantu”

• Umuambile masanka audi mupete mu dienzela Yehowa mudimu.​—Yes 48:17, 18