‘Bayende udi mumanyibue ku bibuelelu bia ku musoko’

Mukaji wa tshikadilu tshimpe udi wangatshisha bayende bimpe. Mu matuku a mukalenge Lemuele, mulume uvua ne mukaji wa tshikadilu tshimpe uvua ‘mumanyibue ku bibuelelu bia ku musoko.’ (Nsu 31:23) Lelu, balume ba kunemeka batu balua bakulu anyi basadidi ba mudimu. Buobu basele, dikuatshisha ne bienzedi bimpe bia bakaji babu ke biabambuluisha bua kukumbajabu mudimu wabu bimpe. (1Tm 3:4, 11) Bakaji ba mushindu eu batu babanyisha bikole kudi babayabu ne kudi bena mu tshisumbu.

Mukaji wa tshikadilu tshimpe udi wambuluisha bayende padiye:

• umukankamija ne mêyi mimpe.​—Nsu 31:26

• umukuatshisha bua akumbaje midimu yende ya mu tshisumbu.​—1Ts 2:7, 8

• usanka ne bidiye nabi.​—1Tm 6:8

• kayi umuebeja bua amuambile malu masokoka a tshisumbu.​—1Tm 2:11, 12; 1Pt 4:15