TUIKALAYI NE NSOMBELU WA BUENA KRISTO

Vuluka bua kusambidila bena Kristo badibu bakengesha

Bible ukavua mulaye ne: Satana neatukengeshe ne meji a kupingaja mudimu wetu tshianyima. (Yne 15:20; Bua 12:17) Mmunyi mutudi mua kuambuluisha bena Kristo netu badibu bakengesha mu matunga makuabu? Tudi mua kubasambidila. “Disengelela dia muntu muakane didi ne bukole bua bungi ne didi diambuluisha.”—Yak 5:16.

Bakange muanetu wa balume shene ku maboko, baya nende mu buloko; kasumbu ka bana betu balume ne bakaji; muanetu wa balume usambila

Tudi mua kusambila bua malu kayi? Tudi mua kulomba Yehowa bua apeshe bana betu aba dikima ne abambuluishe bua kabikadi ne buôwa to. (Yes 41:10-13) Tudi kabidi mua kusambila bua bamfumu ba mbulamatadi batuitabile bua kuenza mudimu wetu wa kuyisha “bua tutungunuke ne kuikala ne bupole ne ditalala.”—1Tm 2:1, 2.

Pakakengeshabu Paulo ne Petelo, bena Kristo ba mu bidimu lukama bia kumpala bakabasambidila, babatela mu mêna abu. (Bz 12:5; Lom 15:30, 31) Nansha katuyi bamanye mêna a bonso badibu bakengesha lelu, katuenaku mua kutela nansha bisumbu biabu, matunga anyi bitupa bia maloba bidibu anyi?

Funda matunga adi ne bena Kristo badibu bakengesha baudi musue kusambidila.