Ambuluisha ba mu dîku diebe bua bavuluke Yehowa

Bu muvua bena Yuda bapue Yehowa Nzambi wabu muoyo, Yelemiya uvua ne mudimu wa kubadimuija bua kabutu kavua kabindile mu matuku makese. (Yel 13:25) Mmunyi muvua tshisamba etshi tshifike ku nsombelu mubi eu? Mêku a bena Isalele akavua majimije malanda mimpe ne Nzambi. Bushuwa, bamfumu ba mêku kabatshivua kabidi balonda buludiki buvua Yehowa mufile mu Dutelonome 6:5-7 to.

Mêku makole mu nyuma adi enza bua bisumbu bia matuku etu aa bishindame. Bamfumu ba mêku badi mua kuambuluisha ba mu mêku abu bua kuvuluka Yehowa padibu ne tshibidilu tshia kuenza ntendelelu wa mu dîku wa nsongo. (Mis 22:27) Nuenu bamane kumona filme wa “Mêyi aa ikale mu mutshima webe: Diela bena mu mêku nkonko,” nuandamune nkonko eyi:

• Mmunyi mudi amue mêku matantamene ntatu ivua miapangishe bua kuenza ntendelelu wa mu dîku?

• Ngamue masanka kayi adi mêku adi enza ntendelelu wa mu dîku muimpe pa tshibidilu apeta?

• Mmalu kayi atu aluisha ntendelelu wanyi wa mu dîku ne ndi mulongolole tshinyi bua kuatantamena?