• Longesha bulelela
    Mabeji a tshisangilu tshia Nsombelu ne mudimu wetu—2016 | ngondo wa 8

    • TUIKALAYI NE NSOMBELU WA BUENA KRISTO

      Longesha bulelela

      Kutuadijila mu ngondo wa 9, mu Mabeji a tshisangilu tshia Nsombelu ne mudimu nemuikale tshiena-bualu tshipiatshipia tshia tshia kuamba etshi: “Longesha bulelela.” Tshipatshila tshietu netshikale tshia kumvuija bulelela kampanda bua nshindamenu bua mu Bible ku diambuluisha dia lukonko ne mvese wa mu Bible.

      Muntu yeye muleje dijinga, tudi mua kumushila mukanda anyi kumuleja filme wa mu jw.org. bua kumupinganyina musangu udi ulonda. Tudi ne bua kudienzeja bua kupingana mu matuku makese bua kutungunuka ne muyuki. Bia kuamba bipiabipia ebi ne midimu ya kupesha mulongi nebikale biangatshila mu malu manene a mu nshapita ya mu mukanda wa Mmalu kayi adi Bible utulongesha? (kawenaku mu Tshiluba to), mmukanda wa Bible ulongesha mupepeja. Mu mukanda wa Bible ulongesha mudi malu makuabu ne mvese bidi mua kutuambuluisha bua kupinganyina muntu anyi kulombola dilonga anu ne Bible nkayende.

      Kudi amu njila umuepele udi ufikisha ku muoyo. (Mat 7:13, 14) Bu mutudi tuyukila ne bantu ba mu bitendelelu ne ba miaba mishilashilangane, tudi ne bua kubambila malongesha malelela a mu Bible abasankisha muntu pa nkayende. (1Tm 2:4) Tuetu tutamba kuyukila ne bantu pa biena-bualu bishilashilangane bia mu Bible ne tulengeja mushindu wetu wa ‘kulongesha dîyi dia bulelela bimpe menemene,’ disanka dietu nedivule ne netupete bipeta bimpe mu dilongesha bantu bulelela.​—2Tm 2:15.

  • Mudimu wa pa buawu wa diabanya Tshibumba tshia Nsentedi mu ngondo wa 9
    Mabeji a tshisangilu tshia Nsombelu ne mudimu wetu—2016 | ngondo wa 8

    • TUIKALAYI NE NSOMBELU WA BUENA KRISTO

      Mudimu wa pa buawu wa diabanya Tshibumba tshia Nsentedi mu ngondo wa 9

      Tshibumba tshia Nsentedi No. 5 2016 | Nkuepi kuudi mua kupetela busambi?

      Bantu ba buloba bujima badi dijinga ne busambi. (Mbi 4:1) Mu ngondo wa 9 mujima, netudienzeje mu mushindu wa pa buawu bua kufila Tshibumba tshia Nsentedi muikala tshiena-bualu tshidi tshiakula bua busambi. Abanyina bantu ba bungi tshibejibeji etshi. Kadi bu mutudi basue kuyukila ne bantu tshimona mêsu bua kubasamba, katuakushiya tshibejibeji kumbelu kudi bantu kabayiku to.

      TSHIA KUAMBA

      “Kudi bikondo bitutu tuetu bonso dijinga ne busambi. Kadi nkuepi kutudi mua kubupetela? [Bala 2 Kolinto 1:3, 4.] Tshibumba tshia Nsentedi etshi tshidi tshileja mudi Nzambi utusamba.”

      Muntu yeye muleje dijinga ne muangate tshibejibeji . . .

      UMULEJE FILME WA BUA TSHINYI KULONGA BIBLE?

      Pashishe umulombe bua kulonga nende Bible.

      WASE TSHISHIMIKIDI BUA KUMUPINGANYINA

      Mushila lukonko lunualua kuandamuna pawapingana, bu mudi lua ne: “Bua tshinyi Nzambi mmulekele makenga?”