Yezu uvua munange bantu

Mu Matayi nshapita wa 8 ne wa 9 mbalonde tshitupa tshia mudimu uvua Yezu muenze mu buloba bua Galela. Pavua Yezu wondopa bantu bivua bileja ne: uvua ne bukole, kadi bivua bitamba kuleja ne: uvua munange bantu bikole ne ubumvuila luse.

1. Yezu wakondapa muena nsudi.—Mat 8:1-3

2. Yezu wakondapa muena mudimu wa mfumu kampanda wa basalayi.—Mat 8:5-13

   Kuondapaye mamuende muenu wa Petelo.—Mat 8:14, 15

   Wakipata bademon, kuondopaye bantu bavua basama.—Mat 8:16, 17

3. Yezu wakipata bademon bavua ne tshikisu tshikole, kuyitumaye mu tshisumbu tshia ngulube.—Mat 8:28-32

4. Yezu wakondopa muntu uvua mutekete mubidi.—Mat 9:1-8

   Wakondapa mukaji kampanda uvua mulenge tshilamba tshiende, kubishaye muana wa bakaji wa Yailo ku lufu.—Mat 9:18-26

   Wakondopa mpofu ne kamama.—Mat 9:27-34

5. Yezu uvua unyunguluka mu bimenga ne mu misoko, wondopa mabedi a mishindu yonso ne matekete a mishindu yonso.—Mat 9:35, 36

Mmunyi mundi mua kutamba kunanga bantu badi bannyunguluke ne kubaleja luse?