Malu adibu baledile mu Mabeji a Tshisangilu tshia Nsombelu ne mudimu wetu wa buena Kristo
LUMINGU LUA DIA 5-11/2
BIUMA BIA MU DÎYI DIA NZAMBI | MATAYI 12-13
“Tshilejilu tshia blé ne lupela”
“Monayi! Ndi nenu matuku onso”
“Monayi! Ndi nenu matuku onso”
“Monayi! Ndi nenu matuku onso”
Dikeba bubanji bua mu Dîyi dia Nzambi
dimanyisha dia mu nwtsty bua Mat 12:20
Mukaba wa muendu udi ufuima: Ku kale bavua batamba kutemesha tutoditodi tuenza ne diima tuvuabu buwuja ne mafuta a olive. Mukaba uvua ukoka mafuta au bua kapia kashale kateme. Tshiambilu tshia mu tshiena Greke tshia ne: “mukaba udi ufuima” tshidi mua kuikala tshileja mukaba uvua ufuima muishi pavuabu bajima mudilu, kadi dikala diawu dishala ne kapia. Mêyi a buprofete a mu Yes 42:3 akavua makule bua luse lua Yezu uvua kayi ne bua kujima nansha kadikala ka ditekemena dia bena budipuekeshi ne dia bantu bavuabu bakengesha kavua kafuima.
Uvua mumanye anyi?
Mu bikondo bia kale muntu uvuaku mua kukuna lupela mu budimi bua muntu mukuabu anyi?
Dibala dia Bible
LUMINGU LUA DIA 12-18/2
BIUMA BIA MU DÎYI DIA NZAMBI | MATAYI 14-15
“Kudisha bantu ba bungi ku diambuluisha dia bantu bakese”
Kudisha bantu ba bungi ku diambuluisha dia bantu bakese
Kudisha bantu ba bungi ku diambuluisha dia bantu bakese
dimanyisha dia mu nwtsty bua Mat 14:21
kabidi ne bakaji ne bana: Anu Matayi ke udi mutele bakaji ne bana pavuaye ufunda bualu bua tshishima etshi. Bidi bimueneka ne: bungi busanga bua bantu bavuabu badishe mu tshishima abu buvua bupite pa 15 000.
Kudisha bantu ba bungi ku diambuluisha dia bantu bakese
Dikeba bubanji bua mu Dîyi dia Nzambi
dimanyisha dia mu nwtsty bua Mat 15:7
bena lubombo: Muaku wa mu tshiena Greke hy·po·kri·tesʹ mu tshiena Greke tshia kale (ne mu tshiena Lomo) udi uleja bena manaya bavua bavuala bifuebe ku mêsu bua kudiundisha dîyi. Bakalua kuenza nawu mudimu bua kuleja muntu yonso udi usokoka tshidiye usua kuenza anyi tshidiye menemene. Ke bualu kayi Yezu wakabikila bamfumu ba bitendelelu ba bena Yuda ne: “bena lubombo.”—Mat 6:5, 16.
dimanyisha dia mu nwtsty bua Mat 15:26
bana . . . bana ba mbua: Bu muvua mbua mikale nyama ivua kayiyi mikumbane bilondeshile Mikenji ya Mose, Bible utu utela muaku eu misangu ya bungi mu ngumvuilu mubi. (Lew 11:27; Mat 7:6; Flp 3:2; Bua 22:15) Kadi mu muyuki wa Yezu udi Mâko (7:27) ne Matayi balonda, mbatele muaku mushadile udi umvuija “muana wa mbua” anyi “kabua ka kumbelu” bua kutekesha bukole bua difuanyikija didibu benze mu mvese ayi. Pamuapa bidi bileja ne: Yezu uvua usua kuakula bua muaku uvua uleja muvua bantu bavua kabayi bena Yuda banange bimuna biabu bia kumbelu. Pavua Yezu mufuanyikije bena Isalele ne “bana,” ne bantu bavua kabayi bena Yuda ne “bana ba mbua,” uvua mu bulelela musue kuleja tshivuabu ne bua kuangata ne mushinga kumpala kua tshikuabu. Ku nzubu kuvua bana ne mbua, bana ke bavuabu ne bua kuanji kudisha kumpala.
Dibala dia Bible
LUMINGU LUA DIA 19-25/2
BIUMA BIA MU DÎYI DIA NZAMBI | MATAYI 16-17
“Ngenyi iudi welela meji nya nganyi?”
Balume, nutumikile bumfumu bua Kristo
Nuikale badimuke, Satana udi ukeba bua kunudia
‘Ndayi nuvuije bantu bayidi, nubabatize’
Dikeba bubanji bua mu Dîyi dia Nzambi
dimanyisha dia mu nwtsty bua Mat 16:18
Wewe udi Petelo, ne pa dibue edi: Muaku wa mu tshiena Greke wa peʹtros ku bantu balume udi umvuija “dibue.” Mbatele muaku eu muaba eu bua kuleja dîna dia muntu (Petelo), dîna dia mu tshiena Greke divua Yezu muinyike Simona. (Yne 1:42) Muaku peʹtra ku bantu bakaji udibu bakudimune ne: “dibue,” udi mua kuikala uleja tshibuebue tshia muinshi mua buloba anyi dibue dinene. Mbatele kabidi muaku eu mu Mat 7:24, 25; 27:60; Luk 6:48; 8:6; Lom 9:33; 1Ko 10:4; 1Pt 2:8. Bushuwa Petelo kavua udiangata bu dibue dinene divua Yezu ne bua kuibakilapu tshisumbu tshiende to, bualu wakafunda mu 1Pt 2:4-8 ne: Yezu ke ukavuabu bambe katshia ku kale ne: uvua “dibue dia mu ditumba,” disungula kudi Nzambi nkayende. Bia muomumue, mupostolo Paulo wakamba muvua Yezu muikale “tshishimikidi” ne “dibue dinene dia mu nyuma.” (1Ko 3:11; 10:4) Nunku Yezu uvua bushuwa unaya ne miaku patupu bu uvua wamba ne: ‘Wewe umvua mubikile ne: Petelo, mmumue ne: dibue, udi mujingulule bumuntu bulelela bua Kristo “udi dibue,” dikala ne bua kulua tshishimikidi tshia kuashila tshisumbu tshia bena Kristo.’
tshisumbu: Eu ke muaba wa kumpala udibu batele muaku ek·kle·siʹa wa mu tshiena Greke. Muaku eu udi ufumina ku miaku ibidi ya mu tshiena Greke: ek, udi umvuija “pambelu,” ne ka·leʹo, udi umvuija “kubikila.” Udi uleja tshisumbu tshia bantu badibu babikile bua kudisangisha bua bualu kampanda anyi bua mudimu kansanga. (Tangila Diumvuija.) Muaba eu Yezu uvua udianjila kumanyisha dienjibua dia tshisumbu tshia bena Kristo tshivua tshienza ne bena Kristo bela manyi badi bu “mabue adi ne muoyo” adibu ‘bibaka nawu nzubu wa mu nyuma.’ (1Pt 2:4, 5) Nkudimuinu wa Septante mmutambe kutela muaku eu bualu udi upetangana ne wa mu tshiena Ebelu udibu bakudimune ne: “tshisumbu,” udi misangu ya bungi uleja tshisamba tshijima tshia bantu ba Nzambi. (Dut 23:3; 31:30) Mu Bz 7:38 badi babikila bena Isalele bavua Nzambi mupatule mu Ejipitu ne: “tshisumbu.” Bia muomumue, bena Kristo bavuabu ‘babikile bua kupatuka mu mîdima” ne ‘babasungule mu ba pa buloba’ ke badi benza “tshisumbu tshia Nzambi.”—1Pt 2:9; Yne 15:19; 1Ko 1:2.
dimanyisha dia mu nwtsty bua Mat 16:19
nsapi ya Bukalenge bua mu diulu: Mu Bible bantu bonso bavuabu bapesha nsapi yetu miena dîna eyi anyi ya mu tshimfuanyi bavua babapesha bukokeshi kampanda. (1Ku 9:26, 27; Yes 22:20-22) Nunku muaku “nsapi” wakalua kuleja bukokeshi anyi mudimu kampanda uvuabu bapesha muntu. Petelo wakenza mudimu ne “nsapi” ivuabu bamupeshe bua kupetesha bena Yuda (Bz 2:22-41), bena Samalea (Bz 8:14-17), ne bantu ba bisamba bikuabu (Bz 10:34-38) mpunga wa kupetabu nyuma wa Nzambi ne kubuela mu Bukalenge bua mu diulu.
Dibala dia Bible
LUMINGU LUA DIA 26/2-4/3
BIUMA BIA MU DÎYI DIA NZAMBI | MATAYI 18-19
“Dimuka bua kudilenduishi ne kulenduishi bakuabu”
dimanyisha dia mu nwtsty bua Mat 18:6, 7
dibue dia mpelu ditu mpunda unyunguluja: Anyi “dibue dia mpelu dinene.” Ku mua., “dibue dia mpelu dia mpunda.” Dibue dia mpelu dia nunku divua mua kuikala bunene buya too ne ku metre umue ne tshitupa, nunku divua ne bujitu bua bungi bikengela bua mpunda adinyunguluje.
malu adi alenduishangana: Muaku skanʹda·lon wa mu tshiena Greke tshia kale udibu bakudimune ne: “bualu budi bulenduishangana” udi mua kuikala umvuija buteyi; kadi bamue badi baleja ne: tshivua mutshi wa mu buteyi uvuabu basuikila tshilobeshi. Udi kabidi mua kuikala uleja tshintu tshionso tshidi mua kufikisha muntu ku ditetuka anyi ku dikuluka. Mu ngumvuilu wa mu tshimfuanyi, tshiambilu etshi tshidi tshileja bualu buonso anyi nsombelu yonso udi ufikisha muntu ku dilonda njila mubi, ku ditetuka anyi ku dikuluka mu bikadilu peshi mu mpekatu. Mu Mat 18:8, 9, muaku wa pa muanda skan·da·liʹzo udibu bakudimune ne: “kulenduisha” badi mua kuwukudimuna kabidi ne: “kuikala buteyi anyi kuenzejangana mpekatu.”
bindidimbi bia mu nwtsty
Dibue dia mpelu
Mabue a mpelu aa bavua bapela nawu ntete ne bakama nawu mafuta a olive. Amue a kudiwu avua makese ne bantu bavua baanyunguluja ne bianza, kadi makuabu avua manene bikole ne bivua bikengela bua baanyunguluje kudi nyama. Bidi bimueneka ne: dibue dinene dia mpelu dia nunku ke divua bena Peleshete benzeje Shimishona bua kubapelela nadi ntete. (Bal 16:21) Nyama ivua ipela ntete eyi kayivua anu mu Isalele nkayamu to, kadi ivua kabidi ya bungi mu tshitupa tshia buloba tshijima tshivua bena Lomo bakokesha.
Dibue dia mpelu dia pa mutu ne dia muinshi
Dibue dinene dia mpelu bu didibu bumvuije muaba eu, bavua badinyunguluja anu kudi nyama wa kumbelu bu mudi mpunda ne bavua bapela nadi ntete anyi bakama nadi tumuma tua olive. Dibue dia mpelu dia pa mutu divua mua kuikala bunene bua metre umue ne tshitupa, ne bavua badinyungulujila pa dikuabu divua muinshi.
dimanyisha dia mu nwtsty bua Mat 18:9
Ngena: Muaku eu udi ufumina ku miaku ya mu tshiena Ebelu eyi: geh hin·nomʹ idi yumvuija “tshibandabanda tshia Hinoma” tshivua ku Sud lua ku Ouest kua Yelushalema wa kale. (Tangila Tshis. B12, karte ka “Yelushalema ne miaba ya kumpenga.”) Mu tshikondo tshia Yezu, tshibandabanda etshi tshivua muaba uvuabu boshela bintu bia bukoya, nunku muaku “Ngena” uvua mukumbanyine bua kuikala tshimfuanyi tshia kabutu ka tshiendelele.
Diumvuija dia miaku ya mu nwtstg
Ngena
Ndîna dia Tshibandabanda tshia Hinoma tshivua ku sud lua ku ouest kua Yelushalema wa kale. (Yel 7:31) Mêyi a buprofete avua mambe ne: muaba au ke uvuabu ne bua kuimansha bitalu. (Yel 7:32; 19:6) Kakuena tshijadiki nansha tshimue tshidi tshileja ne: bavua bela nyama ya muoyo anyi bantu ba muoyo mu ngena bua kubosha anyi kubakengesha to. Nunku muaba au kauvua mua kuikala tshimfuanyi tshia muaba udi kauyi umueneka udibu bakengeshila anyima ya bantu mu kapia ka tshiendelele kena dîna to. Kadi Yezu ne bayidi bende bakatela muaku Ngena bua kuleja dinyoka dia kashidi dia “lufu luibidi,” mmumue ne: kabutu ka kashidi ne tshiendelele.—Bua 20:14; Mat 5:22; 10:28.
dimanyisha dia mu nwtsty bua Mat 18:10
badi bamona mpala wa Tatu wanyi: Anyi “badi kumpala kua Tatu wanyi.” Bu mudi banjelu bikale kumpala kua Nzambi, anu bobu ke badi mua kumona mpala wende.—Eks 33:20.
Malu adi banjelu mua kutuenzela
Dikeba bubanji bua mu Dîyi dia Nzambi
dimanyisha dia mu nwtsty bua Mat 18:22
misangu 77: Ku mua., “muanda mutekete misangu 70.” Tshiambilu tshia mu tshiena Greke etshi tshidi kabidi mua kumvuija “70 ne 7” (misangu 77), anyi “70 kuvudija ku 7” mmumue ne: (misangu 490). Tshiambilu tshia muomumue tshidi mu nkudimuinu wa Septante, mu Gen 4:24 mudibu bakudimune tshiambilu tshia mu tshiena Ebelu tshia ne: “misangu 77,” tshidi tshishindika lungenyi ludibu bakudimune muaba eu ne: “misangu 77.” Nansha tuetu mua kumvua tshiambilu etshi mushindu kayi, diambulula dia nomba 7 didi dileja “tshintu tshidi katshiyi ne ndekelu” anyi “tshidi katshiyi tshijika.” Pavua Yezu muambile Petelo ne: ki nganu misangu muanda mutekete, kadi 77, uvua usua kuleja bayidi bende ne: kabavua ne bua kukosa bungi bua misangu ivuabu ne bua kufuilangana luse nansha. Kadi mukanda wa Talmud wa bena Babilona (Yoma 86b) udi wamba ne: “Muntu yeye muenze bualu bubi musangu wa kumpala, muibidi ne muisatu badi bamufuila luse, kadi yeye mubuenze musangu muinayi kabena mua kumufuila kabidi luse to.”
dimanyisha dia mu nwtsty bua Mat 19:7
mukanda wa dimuipata nawu: Anyi “mukanda wa dishipa nawu dibaka.” Pavua Mikenji ilomba muntu uvua usua kushipa dibaka bua kuenzeja mukanda ne pamuapa kuya kudi bakulu ba mu Isalele, ivua isua kuambuluisha muntu au bua umvue ne: dipangadika divuaye usua kuangata adi divua dinene. Mu bulelela, tshipatshila tshia Mikenji tshivua tshia kupangisha bantu bua kabashipi dibaka lukasa lukasa, ne kukuba bakaji bilondeshile mikenji. (Dut 24:1) Kadi mu tshikondo tshia Yezu, bamfumu ba bitendelelu bavua bavuije dishipa dia dibaka bualu bupepele. Joseph mumanyi wa malu a kale wa mu bidimu lukama bia kumpala uvua Mufalese uvua pende mushipe dibaka wakamba ne: bavua bitabile bantu bua kushipa dibaka “bua kabingila kayi konso (nangananga balume ke bavua benze nanku).”
bindidimbi bia mu nwtsty
Mukanda wa dishipa nawu dibaka
Mukanda wa dishipa nawu dibaka eu ngua katshia ku 71 anyi 72 panyima pa Yezu, bavua bawufunde mu tshiena Alama. Bavua bawupete ku nord kua Kasulu ka tshilonda nkoka ka Murabbaat kadi mu tshipela tshia Yudaya. Udi uleja ne: mu tshidimu tshisambombo tshia ditomboka dia bena Yuda, Jozefe muana wa Nakesana wakashipa dibaka ne Miyama muana wa Yonatana uvua musombele mu tshimenga tshia Masada.
Dibala dia Bible