“Nzambi udi utubela bua kuikala ne dinanga dia buena diende”

5:8, 18, 21

Dipa dia Yehowa dia tshia kupikulangana natshi didi ne mushinga wa bungi bualu didi diakaja lumu lua Yehowa luvuabu banyange. Didi dileja ne: Yehowa udi ne bukenji bua kukokesha, kabidi ne: anu bukokeshi buende ke budi buimpe. Tshia kupikulangana natshi etshi tshidi kabidi tshienza bua tulue balunda ba Yehowa mpindieu, ne bua bualu buatshi, bantu bonso badi bateleja Nzambi nebapete muoyo wa tshiendelele.

Mmunyi mutudi mua kuleja dianyisha bua dipa dia tshia kupikulangana natshi?

• 

  Didilambula ne batismo bidi bileja mutudi ne ditabuja mu tshia kupikulangana natshi, ne mutudi basue kuikala bantu ba Yehowa

• 

  Kuyisha lumu luimpe lua Bukalenge bua Nzambi kudi kuleja ne: tudi tuidikija Yehowa udi munange bantu ba mishindu yonso.—Mat 22:39; Yne 3:16

Mmushindu kayi mikuabu indi mua kuleja Yehowa dianyisha bua dipa dia tshia kupikulangana natshi?