TUIKALAYI NE NSOMBELU WA BUENA KRISTO

Bikadilu bimpe ne kanemu kakole bitu bilenga mioyo ya bantu

Misangu ya bungi, bakaji batu bitaba bulelela batu bakoka babayabu padibu bidikija Kristo mu bikadilu biabu. Nansha nanku, bitu bibalomba bua kuntantamena ntatu bidimu bia bungi. (1Pt 2:21-23; 3:1, 2) Muena dibaka nebe yeye ukuenzela malu mabi, wewe tungunuka ne kutshimuna malu mabi ku malu mimpe. (Lom 12:21) Bikadilu biebe bimpe bidi mua kumushintulula kupita mêyi ebe.

Ditatshisha bua kumona malu mudi bayebe uamona. (Flp 2:3, 4) Ikala uditeka pa kaba kende ne umumvuila, wenza muebe muonso bua kukumbaja yebe midimu mudibi bikengela, kadi umunemeka. Ikala umuteleja bimpe. (Yak 1:19) Muleja lutulu, umuambile ne: udi mumunange. Nansha yeye kayi ukunemeka ne kayi ukuenzela malu mimpe bu muudi wewe umuenzela, ikala mujadike ne: Yehowa udi ukuanyisha bua lulamatu luebe.—1Pt 2:19, 20.

NUTANGILE FILME WA YEHOWA UDI UTUPESHA BUKOLE BUA KUAMBULA MAJITU ETU, PASHISHE NUANDAMUNE NKONKO EYI:

Malu avua bishi ku ntuadijilu kua dibaka dia Grace Li?
Ntshinyi tshivua tshimusake bua kuitaba bulelela?
Muanetu Li wakatantamena ntatu kayi pakavuaye mubatijibue?
Muanetu Li uvua musambile bishi bua bayende?
Mmasanka kayi adiye mupete bua kanemu ne bikadilu biende bimpe?

Foto milamakaja ya mu filme wa ‘Yehowa udi utupesha bukole bua kuambula majitu etu,’ ileja malu a Grace Li: 1. Grace muimane mu kajila pankatshi pa nzubu udila. 2. Muanetu wa bakaji ulonga ne Grace. 3. Grace ne bana bende bapatuka mu restoran bua kuya mu tshisangilu. 4. Grace ne bena mu dîku diende tshitema ku Nzubu wa Bukalenge. — Bikadilu bimpe ne kanemu kakole bidi ne bukole bua bungi.