MUSAMBU WA 34
Nengende ne muoyo wanyi mutoke
Bia pa mabeji
1. Wewe Mfumu, suak’undumbuluishe
Bua dikueyemena ne muoyo mutoke.
Nkonkonona, untetaku panyi,
Wakaje meji’anyi, nansha muoyo wanyi.
(DIPUNGULUJA)
Buanyi meme, Ndi mupangadije
kashidi bua ngende Ne muoyo mutoke.
2. Tshiena nsomba ne bena mashimi,
Ndi nkina bapendi ba Dîyi dia Nzambi.
Muoyo wanyi, Nzambi, kuwumbushi
Pamue ne badi ba mishiku, benzavi.
(DIPUNGULUJA)
Buanyi meme, Ndi mupangadije
kashidi bua ngende Ne muoyo mutoke.
3. Nzubu webe nntendelelu webe;
Mmuimpe, mukezuke; ndi mumunange be!
Nengendele ku tshioshelu tshiebe
Bua nkusakidile bua butumbi buebe.
(DIPUNGULUJA)
Buanyi meme, Ndi mupangadije
kashidi bua ngende Ne muoyo mutoke.
(Bala kabidi Mis. 25:2.)