Disuika bua kushala ne lulamatu kudi Yehowa bu mudi nshikidilu wenda usemena

BUA TSHINYI BIDI NE MUSHINGA?: Mu katupa kîpi emu, malu makole adi akuatshisha buôwa neenzeke atulomba bua kuikala ne dikima dia bungi ne kueyemena Yehowa kupita ne kumpala. Dikenga dinene nedituadije ne kabutu ka bitendelelu bia dishima. (Mat 24:21; Bua 17:16, 17) Mu tshikondo atshi, netuikale pamuapa mua kumanyisha mukenji mukole wa dilumbuluisha. (Bua 16:21) Goga wa ku Magoga neatubunde. (Yhz 38:10-12, 14-16) Nunku Yehowa neamuele “mvita ya dituku dinene dia Nzambi Wa Bukole Buonso” bua kusungila bantu bende. (Bua 16:14, 16) Tuetu basue kukolesha dikima dietu bua malu adi matuindile kumpala eku, mbimpe tudisuike bua kushala ne lulamatu kumpala kua mateta adi atukuata mpindieu.

TSHIA KUENZA:

• Tumikila mikenji mitumbuke ya Yehowa ya bikadilu bilenga, uyimanyine ne dikima dionso.​—Yes 5:20

• Tungunuka ne kudisangisha ne bena Kristo nebe bua kutendelela Nzambi.​—Eb 10:24, 25

• Ikala utumikila buludiki budi bulongolodi bua Yehowa bufila ne lukasa luonso.​—Eb 13:17

• Ikala welangana meji a muvua Yehowa musungile bantu bende ku kale.​—2Pt 2:9

• Sambila Yehowa, umueyemene.​—Mis 112:7, 8

NUTANGILE KATUPA KA FILME WA MALU ADI MATUINDILE KUMPALA EKU ALOMBA BUA TUIKALE NE DIKIMA, PASHISHE NUANDAMUNE NKONKO IDI ILONDA EYI:

• 

  Nditeta kayi divua bamanyishi kampanda bapete pavuabu basangishe tshisumbu tshiabu ne bisumbu bikuabu?

• 

  Mmunyi mudi kutumikila kutuambuluisha bua kukolesha ditabuja dietu?

• 

  Bua tshinyi nebitulombe bua kuikala ne dikima palua Armagedone?

• 

  Mmuyuki kayi wa mu Bible udi mua kukolesha ditabuja dietu dia ne: Yehowa neatusungile?​—2Ku 20:1-24