Tuakajayi nyishilu wetu​—Kuyisha ku telefone idi ku tshibueledi tshia lupangu anyi ne kamera ka dimonangana ne muntu

BUA TSHINYI BIDI NE MUSHINGA? Bu mudi tshikisu tshivulangane ne malu a biamu maye kumpala bikole, bantu ba bungi mbateke kamera ne telefone ku biibi bia mpangu yabu. Bidi mua kutuenza kabuôwa bua kuyisha muntu udi utumona tuetu, kadi tuetu katuyi tumumona. Malu adi alonda aa neatuambuluishe bua kuyisha muntu ku telefone anyi ne kamera katuyi ne buôwa to.

TSHIA KUENZA:

• Ikala umona malu mu mushindu muimpe. Bantu ba bungi badi bateke telefone anyi kamera ku tshibueledi tshia mpangu yabu batu basue kuyukila netu

• Ikala mumanye ne: tumue tumera tudi tutuadija kukukuata kumpala kua wewe kubikila bena ku nzubu. Nunku badi mua kukumona ne kumvua biudi wamba diakamue paudi usemena pabuipi ne tshiibi tshia lupangu luabu

• Padi muena ku nzubu witaba ku telefone anyi ku kamera uyukile nende anu bu uvua uyukila nende mpala ne mpala. Ikala utua mimuemue ne wenza jeste anu bu pa tshibidilu. Muambila malu auvua mulongolole bienze anu bu ne: udi uyukila nende mpala ne mpala. Wewe uyukila nende ku kamera, kusemeji mpala webe pabuipi naku menemene to. Bu mudi kamera ne telefone bikuata mêyi, muntu yeye kayi muandamune kumushidi mêyi ebe makuata to

• Nansha nuenu bamane kujikija muyuki, manya ne: muena ku nzubu au udi mua kushala umona ne umvua binudi nuyukila