BIUMA BIA MU DÎYI DIA NZAMBI | EKESODE 35-36

Ne bionso bivua bikengedibua bua kuenza mudimu wa Yehowa

Nyuma muimpe wa Yehowa wakambuluisha Besalele ne Oholiaba bua kulonda bionso bivua bikengedibua bua kuenza ntenta wa tshitendelelu. Nyuma muimpe eu udi wambuluisha kabidi batendeledi ba Yehowa lelu. Ntshinyi tshitudi ne bua kuenza bua nyuma eu atuambuluishe?

Mbimpe tusambile bua nyuma muimpe atuambuluishe bua kuenzela Yehowa mudimu bimpe menemene ne bipedi bietu
Tudi ne bua kuikala tudilongela Dîyi dia Nzambi difundisha ku nyuma wende
Tudi ne bua kudifila ne muetu muonso mu mudimu udibu batupeshe

Tshimfuanyi: Bantemu ba Yehowa benza midimu mishilashilangana ya malu a Nzambi. 1. Bana betu ba bakaji bambuluilsha mu mudimu wa luibaku. 2. Muanetu udilongolola bua kulombola dilonga dia ‘Tshibumba tshia Nsentedi.’ 3. Muenetu uyisha musumbishanganyi wa bintu eku muanetu mukuabu utangila baluishi betu. 4. Bena dibaka mu Kalasa ka bamanyishi ba bukalenge.

Yehowa udi mua kukupesha bionso bidi bikengela bua kukumbaja midimu kayi?