Nzambi ne Kristo nebakupeteshe budikadidi kumpala eku

Mmalu kayi autu uluangana nawu matuku onso? Udi mua kuikala mfumu wa dîku, muikale ne majitu a bungi. Udi mua kuikala udikoleshila bana, utata bua kubapetela tshiakudia tshia ku dituku. Anyi utshidi nsonga, ne balongi benu badi bakutatshisha mu kalasa. Peshi udi mua kuikala ne tusamasama anyi masama a bukulakaje. Yonso wa kutudi udi anu ne yende idi mimutonde. Bena Kristo ba bungi badi ne ntatu ya bungi idibu baluangana nayi musangu umue. Kadi tudi bamanye ne: ntatu yonso ayi ikadi pa kujika.​—2Ko 4:16-18.

Patutshidi bindile apu, tudi tupeta busambi patudi tumanya ne: Yehowa mmumanye ntatu yetu, udi wanyisha lulamatu luetu ne dinanukila dietu, ne kabidi mmutulamine masanka a bungi. (Yel 29:11, 12) Yezu pende udi ututabalela. Bu mutudi tuenda tukumbaja midimu yetu ya buena Kristo, Yezu udi utujadikila ne: “Ndi nenu.” (Mat 28:20) Patudi tuela meji bua budikadidi butuikala nabu mu Bukalenge bua Nzambi, tudi tukolesha ditekemena dietu, ne tudisuika bikole bua kutantamena mateta a lelu.​—Lom 8:19-21.

NUTANGILE FILME WA BU MUDI TSHIPEPELE TSHIKOLE TSHISEMENA, SHALA MUTANGILE ANU KUDI YEZU​—MABENESHA A BUKALENGE ATSHILUALUA, PASHISHE NUANDAMUNE NKONKO EYI:

• Bantu mbafike ku diumbuka kudi Nzmbi mushindu kayi? Mbapete bipeta kayi?

• Mmalu kayi adi mindile bantu badi balamate Yehowa?

• Ntshinyi tshidi tshienza bua matuku atshilualua ikale malenga?

• Mmasanka kayi a mu bulongolodi bupiabupia audi muindile ne muoyo mujima?