Mmushindu kayi udi bana betu ba bakaji mua kuipatshila midimu?

Bana betu ba bakaji batu benza mudimu wa mushinga mukole bua kukuatshisha mudimu wa Bukalenge. (Mis 68:11) Batu balonga Bible ne bantu ba bungi. Bampanda-njila ba pa tshibidilu ba bungi mbana betu ba bakaji. Binunu ne binunu bia bana betu ba bakaji mbena mu mêku a betele, bamisionere, bena mu mudimu wa dibaka nzubu yetu, ne bakudimunyi. Bana betu ba bakaji bashindame mu nyuma batu bakolesha mêku abu ne bisumbu biabu. (Nsu 14:1) Nansha mudibu kabayi mua kulua bakulu anyi basadidi ba mudimu, badi anu mua kudifundila bipatshila mu tshisumbu. Biwikala muanetu wa bakaji, ngimue midimu kayi iudi mua kuipatshila?

• Keba bua kuikala ne ngikadilu ya buena Kristo.​—1Tm 3:11; 1Pt 3:3-6

• Ambuluisha bana betu ba bakaji badi ne dimonamona dia malu dikese mu tshisumbu.​—Tit 2:3-5

• Akaja mudimu webe wa buambi, udienzeje bua kuyisha mêba a bungi

• Longa muakulu mukuabu

• Ndaku muaba udibu dijinga ne bamanyishi ba bungi

• Lomba bua kuya ku Betele anyi bua kukuatshisha mu mudimu wa dibaka nzubu yetu ya malu a ntendelelu

• Lomba bua kuya ku Kalasa ka bamanyishi ba Bukalenge

NUTANGILE FILME WA “BAKAJI BADI BENZA MUDIMU MUKOLE MU MUKALENGE,” PASHISHE NUANDAMUNE LUKONKO ELU:

• Mmushindu kayi udi malu adi muanetu wa bakaji yonso muambe akukankamija?