Bufuki budi butusaka bua kutamba kueyemena meji a Yehowa

Yehowa utu mumanye tshidi tshimpe buetu misangu yonso anyi? Eyowa! Tuetu tuitaba bualu ebu, tudi tuleja mutudi ne meji patudi tulonda buludiki buende. (Nsu 16:3, 9) Kadi dîba didi buludiki bua Yehowa bushilangana ne ngelelu wetu wa meji, tudi mua kudimona mu diteta dia kubenga kubulonda. Mbimpe tuelangane meji a midimu ya bufuki, nebituambuluishe bua kutamba kueyemena meji a Yehowa.​—Nsu 30:24, 25; Lom 1:20.

NUTANGILE FILME WA MBIDIENZEKELE ANYI MBIFUKA? BUA TSHINYI TUBISHISHI KATUTU TUPATAKANA MU NJILA BU MASHINYI? PASHISHE NUANDAMUNE NKONKO EYI:

• Mmalu kayi atu tubishishi tua bungi ne tshibidilu tshia kuenza dituku dionso?

• Ntshinyi tshitu tubishishi tuenza bua katuikadi tupatakana mu njila bu mashinyi?

• Mushindu udi tubishishi tuenza luendu udi mua kulongesha bantu tshinyi?

NUTANGILE FILME WA MBIDIENZEKELE ANYI MBIFUKA? MUTU LUBULUBULU LUA NTAMBUE-TSHISHI LUBUUKA, PASHISHE NUANDAMUNE NKONKO EYI:

• Nntatu kayi itu bantu bapeta patubu bendesha tudeke tua tukese?

• Mmunyi mutu lubulubulu lua ntambue-tshishi lubuuka kabayi balutenkakaja kudi tshipepele?

• Mmunyi muikala tshingenyingenyi tshia lubulubulu lua ntambue-tshishi mua kuambuluisha bantu dimue dituku?

Ntshintu kayi tshiudi mumone mu bufuki muaba uudi musombele tshidi tshikujadikila ne: Yehowa udi ne meji?