Mishindu isatu itudi mua kueyemena Yehowa

Davidi wakatshimuna Goleyata bualu uvua mueyemene Yehowa. (1Sm 17:45) Yehowa mmusue kuambuluisha batendeledi bende bonso ne bukole buende. (2Ku 16:9) Mmushindu kayi utudi mua kueyemena diambuluisha didi Yehowa ufila pamutu pa kueyemena dimonamona dietu dia malu ne mamanya etu? Mona mishindu isatu:

• Ikala usambila. Kusambidi anu bua kulomba Nzambi luse paudi wenza tshilema to, kadi sambila kabidi bua akupeshe bukole bua kutantamena diteta kampanda. (Mat 6:12, 13) Kusambidi anu bua Yehowa abeneshe mapangadika aukadi muangate to, kadi sambila kabidi bua akupeshe buludiki ne meji kumpala kua kuangata mapangandika.​—Yak 1:5

• Ikala ubala Bible ne udilongela. Bala Bible dituku dionso. (Mis 1:2) Elangana meji a bilejilu bia bantu badi Bible wakuila, utumikile malu audi ulonga au. (Yak 1:23-25) Dilongolola kumpala kua kuya mu buambi pamutu pa kueyemena dimanya diebe dia kuonso eku. Dianjila kulongolola bisangilu bua bikuambuluishe bimpe menemenene

• Tumikila bulongolodi bua Yehowa. Enza bua wikale mumanye buludiki bupiabupia bua kudi bulongolodi buetu, ubulonde diakamue. (Nom 9:17) Teleja bakulu padibu bafila mibelu ne baleja malu a kulonda.​—Eb 13:17

NUTANGILE FILME WA KAKUENA BUALU BUA KUTSHINYINA DIKENGESHIBUA TO, PASHISHE NUANDAMUNE NKONKO EYI:

• Mmalu kayi avua enza buôwa avua bana betu batuilangane nawu?

• Tshivua tshibambuluishe bua kuatantamena ntshinyi?