Longesha bantu ne mukanda wa Shala ne muoyo kashidi! bua bapete ditabuja kudi Yehowa ne kudi Yezu

Bua kusankisha Nzambi, balongi ba Bible badi ne bua kukolesha ditabuja diabu. (Eb 11:6) Tubalongeshe ne mukanda wa Shala ne muoyo kashidi! bua kulenga muoyo wabu. Mu mukanda eu mudi mvese ya mushinga, ngelelu wa meji udi umvuika bimpe, nkonko mimpe, filme idi isaka muntu ku tshienzedi, ne bimfuanyi bilenga. Patudi tuambuluisha balongi bua bapete ngikadilu ya buena Kristo ne badie malanda ne Nzambi, tudi tuibaka ne bintu bidi kabiyi bioshika.​—1Ko 3:12-15.

Bua bamue bantu, mbikole bua kulua mulunda wa Nzambi bua mudibu kabayi bamumona. Nunku bidi bikengela tubambuluishe bua bamanye Yehowa ne bamueyemene.

NUTANGILE FILME WA LONGESHA BANTU NE MUKANDA WA “SHALA NE MUOYO KASHIDI!” BUA BAPETE DITABUJA KUDI YEHOWA, PASHISHE NUANDAMUNE NKONKO EYI:

• Ntshinyi tshidi tshileja ne: muanetu wa bakaji au uvua mudilongolole bimpe bua dilonga?

• Mmunyi muvuaye muele mulongi tukonko tukese tua pamutu bua ambe tshivuaye pende wela meji bua Yeshaya 41:10, 13?

• Filme ne mvese eu mbifikishe mulongi ku tshinyi?

Bantu ba bungi ki mbamanye tshitu tshiakupikulangana natshi tshiumvuija, anyi kabatu batshiangata bu dipa didi Nzambi mupeshe bantu to. (Gal 2:20) Ke bualu kayi, tudi ne bua kubambuluisha bua bitabuje mulambu wa Yezu wa tshiakupikulangana natshi.

NUTANGILE FILME WA LONGESHA BANTU NE MUKANDA WA “SHALA NE MUOYO KASHIDI!” BUA BAPETE DITABUJA KUDI YEZU, PASHISHE NUANDAMUNE NKONKO EYI:

• Ntshinyi tshidi tshitujadikila ne: muanetu wa balume au uvua mudilongolole bimpe bua dilonga?

• Mmunyi muvuaye mumvuije malu a mu tshitupa tshia “Bia kutangila kabidi” bimpe bua kuambuluisha mulongi?

• Bua tshinyi kusambila bua mulongi kudi ne mushinga wa bungi?