Udi ukeba kumona mudi Yehowa wandamuna masambila ebe anyi?

Mu Bible mudi bilejilu bia bungi bia masambila avua Yehowa muandamune. Pavua batendeledi ba Yehowa badimuene muvuaye mutabelele malu abu ne muvuaye mubambuluishe, ditabuja diabu diakakoleshibua kakuyi mpata. Kadi mbimpe tuetu kulomba malu masunguluke mu masambila etu ne pashishe tudienzeje bua kujingulula mudi Yehowa uandamuna. Vuluka ne: udi mua kutuandamuna mu mushindu utudi katuyi batekemene anyi bipitshidile apu. (2Ko 12:7-9; Ef 3:20) Mmushindu kayi udi Yehowa mua kuandamuna masambila etu?

• Udi mua kutupesha bukole bua mubidi, mu lungenyi anyi bua mu nyuma bua tumone mua kupita ne ntatu.​—Flp 4:13.

• Udi mua kutupesha meji bua tuangate dipangadika dimpe.​—Yak 1:5.

• Udi mua kutupesha dijinga ne bukole bua kuenza bualu kampanda.​—Flp 2:13.

• Udi mua kutupesha ditalala patudi ne malu matutonde.​—Flp 4:6, 7.

• Udi mua kutuambuluisha ne kutukankamija kupitshile kudi bakuabu.​—1Yn 3:17, 18.

• Udi mua kuambuluisha batudi tulombela kudiye.​—Bz 12:5, 11.

NUTANGILE FILME WA YEHOWA ‘MMUTELEJI WA DISAMBILA,’ NE PASHISHE NUANDAMUNE NKONKO EYI:

• Mmunyi mudi bualu buvua bufikile muanetu Shimizu mua kutukankamija masama wowu atupangisha bua kuenza malu onso?

• Mushindu kayi utudi mua kuidikija tshilejilu tshia muanetu Shimizu?