TUIKALAYI NE NSOMBELU WA BUENA KRISTO
Kolesha ditabuja diebe mu Dîyi dia Nzambi
Dîyi dia Nzambi didi mua kushintulula nsombelu wetu. (Eb 4:12) Nansha nanku, bua kupeta buludiki ne mibelu idimu, mbimpe tuikale batuishibue ne: ‘nDîyi dia Nzambi.’ (1Ts 2:13) Mmunyi mutudi mua kukolesha ditabuja ditudi nadi bua Bible?
Ikala ubala nshapita ndambu ya mu Bible dituku dionso. Paudi ubala, keba bijadiki bidi bileja ne: Yehowa ke muenaye. Tshilejilu, konkonona mibelu idi mu mukanda wa Nsumuinu ne umone mudi malu adimu apetangana ne nsombelu wa matuku etu aa.—Nsu 13:20; 14:30.
Tuadija programe wa kudilongela. Keba bua kumanya bimpe bijadiki bidi bileja ne: Bible mmufundisha ku bukole bua nyuma muimpe. Tangila mu Mukanda wa makebulula wa Bantemu ba Yehowa mu tshiena-bualu tshia “Bible” pashishe mu tshia “Mufundisha ku nyuma wa Nzambi.” Wewe mubale malu adi mu Tshisakidila tshia A3 mu Nkudimuinu wa bulongolodi bupiabupia udi mua kukolesha kabidi ditabuja diebe dia ne: mukenji udi mu Bible ki mmushintulule to.
NUTANGILE FILME WA TSHIDI TSHITUSAKA BUA KUITABUJA . . . DÎYI DIA NZAMBI, PASHISHE NUANDAMUNE NKONKO EYI:
Bua tshinyi dipeta dia bimfuanyi bivua ku bimanu bia ntempelo wa Karnak mu Ejipitu didi ditujadikila mudi Dîyi dia Nzambi diamba malu malelela?
Bua tshinyi tudi tuamba ne: mukenji wa mu Bible ki mmushintulule to?
Bua tshinyi dibenga kujimina dia Bible didi ditujadikila ne: nDîyi dia Nzambi?—Bala Yeshaya 40:8