Difundila bipatshila bua tshikondo tshia Tshivulukilu

Tshidimu tshionso etshi, bantu ba Yehowa batu bindila ne muoyo kuulu kuulu bua kudisangisha pamue mu Tshivulukilu. Mu mbingu ya kumpala kua Tshivulukilu ne ya panyima patshi, tutu tubabidile mpunga ya pa buayi itu imueneka bua kutumbisha Yehowa ne kumuela tuasakidila bua dipa dia tshia kupikulangana natshi. (Ef 1:3, 7) Tshilejilu, tutu tudifila mu dibikila bantu bua kubuela mu Tshivulukilu. Bana betu bakuabu batu mene balongolola malu bua kuangatabu mudimu wa bumpanda-njila buambuluishi bua mêba 30 anyi 50 mu ngondo muisatu anyi muinayi. Udiku musue kuvudija bungi bua mêba autu uyisha mu tshikondo etshi tshia Tshivulukilu anyi? Ntshinyi tshidi mua kukuambuluisha bua kuenza nanku?

Pa tshibidilu tutu tukokesha bua kuenza bia bungi tuetu badilongolole kumpala kua dîba. (Nsu 21:5) Bu mudi tshikondo tshia Tshivulukilu tshiende tshisemena, mbimpe tutuadije kudilongolola ku mpindieu. Ela meji a muudi mua kuvudija mudimu weba mu tshikondo tshia Tshivulukilu, ne longolola tshiudi ne bua kuenza bua kukumbaja bipatshila biebe. Pashishe lomba Yehowa abenesha mushindu udi udienzeja.​—1Yn 5:14, 15.

Anji elabi meji a imue mishindu iudi mua kuvudija mudimu webe wa diyisha mu tshikondo tshia Tshivulukilu.