TUIKALAYI NE NSOMBELU WA BUENA KRISTO

Idikija dinanga dia Yehowa dia lulamatu

Yehowa mmutushile tshilejilu tshitambe buimpe tshia dinanga dia lulamatu. (Mis 103:11) Dinanga edi ki ndinanga dia busuasua anyi dia muoyo usamina tshintu kampanda mu lupitapita to. Kuikala ne dinanga dia lulamatu nkushala mulamate muntu bikole. Yehowa wakaleja bantu bende bena Isalele dinanga edi mu mishindu ya bungi. Wakabapatula mu bupika mu Ejipitu, kubabuejaye mu Buloba bulaya. (Mis 105:42-44) Wakaluangena bantu bende ne kubafuilaye luse misangu ne misangu. (Mis 107:19, 20) Patudi ‘tukonkonona bienzedi bia Yehowa bia dinanga dia lulamatu ne meji onso,’ bidi bitusaka bua kumuidikija.—Mis 107:43.

Foto milamakaja: Bimfuanyi bia mu filme wa ‘Konkonona bienzedi bia Yehowa bia dinanga dia lulamatu ne meji onso.’ 1. Muanetu Capra ne muanetu wa balume mukuabu balue kutangila muanetu wa bakaji kuende. 2. Muanetu Capra ne bana betu bakuabu badi mu buloko bapesha muanetu udi mulala usama tshiakudia.

NUTANGILE FILME WA ‘KONKONONA BIENZEDI BIA YEHOWA BIA DINANGA DIA LULAMATU NE MEJI ONSO,’ PASHISHE NUANDAMUNE NKONKO EYI:

Nku tshinyi kutudi mua kuleja dinanga dia lulamatu?

Diandamuna diebe
Bua tshinyi kuleja dinanga dia lulamatu kudi kulomba kudipangishaku amue malu?

Diandamuna diebe