BIUMA BIA MU DÎYI DIA NZAMBI

Tshindi panyi mua kuenza bua tuikale anu ne lumu luimpe

Bantu batu bamona bikadilu bia Bantemu ba Yehowa. (1Ko 4:9) Tudi mua kudiebeja ne: ‘Mêyi anyi ne bienzedi bianyi bidiku bitumbisha Yehowa anyi?’ (1Pt 2:12) Katuena basue kuenza bualu budi mua kunyanga lumu luimpe ludi Bantemu ba Yehowa nalu kukadi bidimu bia bungi to.—Mbi 10:1.

Mu nsombelu idi ilonda eyi, funda tshidi muena Kristo mua kuenza, ufunde kabidi ne Dîyi dinene dia mu Bible didi mua kumuambuluisha:

Muntu udi kayi muena Kristo udi ukuamba mêyi mabi mu tshiji

Andamuna
Bilamba biebe, mashinyi ebe, anyi nzubu webe bidi ne manyanu

Andamuna
Mukenji kampanda udibu bele muaba unudi udi umueneka kawuyi muakanyine anyi mukole bua kuwutumikila

Andamuna

Foto: Bimfuanyi bia mu filme wa “Bintu bidi bienza bua bantu banange bulelela ne babunemeke.” 1. Muanetu wa balume ubala mukanda. 2. Muanetu wa balume ne muanetu wa bakaji batangilulula mu dibeji divuabu bangatshile malu kampanda a kuele mu bintu bia makebulula. 3. Mushiki wa mabeji avuabu bangatshile malu kampanda muteke ku luseke lua broshire wa “Cinq questions à se poser sur l’origine de la vie.” 4. Mamu ubadila malu mu site wa jw.org mu telefone wende.

Mmunyi mudi bakebuludi ba malu ba mu Tshibambalu tshia difunda bambuluisha bua kulama lumu luetu luimpe?

NUTANGILE FILME WA BINTU BIDI BIENZA BUA BANTU BANANGE BULELELA NE BABUNEMEKE, PASHISHE NUANDAMUNE LUKONKO ELU:

Ntshinyi tshidi tshikukemesha bua mudi bulongolodi buetu budienzeja bua kulongolola bintu bidi ne bujalame?

Andamuna