TSHIBUTSHILU TSHIA MIKANDA TSHIA KU ENTERNETE tshia Watchtower

Tshitudi mua kumanya bua banjelu

Tshibumba tshia Nsentedi (Tshia bantu bonso)—2017 | No. 5
- Banjelu mbalongolola mushindu kayi?
  
  Mfumu wa banjelu: Mikaele udi ku mutu kua banjelu bualu udi ne bukole ne bukokeshi kubapita. Bible udi uleja patoke ne: Mikaele ndîna dikuabu dia Yezu Kristo.—1 Tesalonike 4:16; Yuda 9.
  
  Baselafima: Badi mu mulongo mubandile munkatshi mua banjelu bualu badi ne midimu minene ne lumu, ne mbanyunguluke nkuasa wa bukalenge wa Nzambi.—Yeshaya 6:1-3.
  
  Bakeluba: Badi pabu mu mulongo mubandile ne badi ne midimu ya pa buayi idi mu diumvuangana ne bumuntu bua butumbi bua Wa Bukole Buonso. Badi batamba kubaleja bamuenzela mudimu.—Genese 3:24; Yehezekele 9:3; 11:22.
  
  Mbombo ne mbombo ya banjelu bafidi ba mikenji: Mbena mudimu ba Mutambe Bunene ne baleji mpala bende mu dikumbaja disua diende.b—Ebelu 1:7, 14.

Udi ne muanjelu udi ukulama anyi?

Tshibumba tshia Nsentedi (Tshia bantu bonso)—2017 | No. 5
- TSHIENA-BUALU TSHINENE | BANJELU BATUKU ANYI? BUA TSHINYI KUMANYA MALU ABU?
  
  Udi ne muanjelu udi ukulama anyi?
  
  Bible kena ulongesha ne: muntu yonso udi ne muanjelu udi umulama to. Bulelela, Yezu wakamba musangu mukuabu ne: “Nudimuke bua kanupetudi umue wa ku bana bakese aba [bayidi ba Kristo], bualu ndi nnuambila ne: banjelu babu badi mu diulu badi bamona mpala wa Tatu wanyi udi mu diulu misangu yonso.” (Matayi 18:10) Yezu kavua usua kuamba ne: muntu yonso udi ne muanjelu udi umulama to. Kadi uvua usua kuamba ne: banjelu badi batabalela muyidi wende yonso bikole. Ke bualu kayi batendeledi balelela kabatu baditeka mu njiwu patupu, bela meji ne: banjelu ba Nzambi nebabakube to.
  
  Bidiku biumvuija ne: banjelu kabatu bambuluisha bantu anyi? Tòo. (Misambu 91:11) Kudi bantu badi bitaba ne muoyo mujima ne: Nzambi udi utuma banjelu bua kubalama ne kubalombola. Kenneth, utudi batele mu tshiena-bualu tshia kumpala, udi pende ne meji a mushindu eu. Nansha mutudi katuyi mua kushidisha malu, udi mua kuikala wambilamu. Misangu ya bungi, Bantemu ba Yehowa batu bamona bijadiki bidi bileja mudi banjelu babambuluisha mu mudimu wabu wa diyisha. Kadi bu mudi banjelu kabayi bamueneka, katuena mua kuamba ne bujalame bonso mudi Nzambi wenza nabu mudimu bua kuambuluisha bantu mu nsombelu mishilashilangane to. Nansha nanku, katuena tuenza bibi patudi tuela Wa Bukole Buonso tuasakidila bua diambuluisha dionso didiye mua kuikala mutupeteshe.—Kolosayi 3:15; Yakobo 1:17, 18.