Malongesha atutu basue kulongesha

Yezu wakamba ne: bantu ba muoyo muakane nebamanye bulelela padibu babumvua. (Yone 10:4, 27) Nunku dîba dionso ditudi tuyukila ne bantu, tudi basue kubalongesha malongesha mapepele a mu Bible. Teta kubanga kuyisha muntu bulelela pa kumuebeja ne: “Ukadi mumanye ne: . . . anyi?” anyi ne: “Ukadi mumvuaku ne: . . . anyi?” Pashishe mubadila mvese umue anyi ndambu idi yumvuija bulelela abu. Patudi tuambila anu muntu bualu bupepele bumuepele bua bulelela bua mu Bible, tudi tukuna lutete mu muoyo wende, Nzambi kulua kulukolesha.​—1 Kol. 3:6, 7.

• Matuku atshilualua

• Dîku

• Nzambi

• Disambila

• Yezu

• Bukalenge bua Nzambi

• Makenga

• Lufu

• Bitendelelu

MATUKU ATSHILUALUA

1. 1. Malu adi enzeka ne bikadilu bia bantu bidi bileja ne: malu akadi pa kushintuluka.​—Mat. 24:3, 7, 8; Luka 21:10, 11; 2 Tim. 3:1-5.

2. 2. Kabakubutula buloba ebu to.​—Mis. 104:5; Muam. 1:4.

3. 3. Nebakaje bionso bidi binyanguke pa buloba.​—Yesh. 35:1, 2; Buak. 11:18.

4. 4. Bantu bonso nebikale ne makanda a mubidi tumatuma.​—Yesh. 33:24; 35:5, 6.

5. 5. Udi mua kusomba pa buloba apa kashidi.​—Mis. 37:29; Mat. 5:5.

DÎKU

1. 6. Mulume udi ne bua “kunanga mukajende bu mudiye mudinange.”​—Ef. 5:33; Kolos. 3:19.

2. 7. Mukaji udi ne bua kuikala ne kanemu kakole kudi bayende. ​—Ef. 5:33; Kolos. 3:18.

3. 8. Mulume ne mukajende badi ne bua kulamatangana.​—Mal. 2:16; Mat. 19:4-6, 9; Eb. 13:4.

4. 9. Bana badi batumikila baledi babu ne babanemeka malu abu neende bimpe.​—Nsu. 1:8, 9; Ef. 6:1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

NZAMBI

1. 10. Nzambi utu ne dîna.​—Mis. 83:18; Yel. 10:10.

2. 11. Nzambi utu uyukila netu.​—2 Tim. 3:16, 17; 2 Pet. 1:20, 21.

3. 12. Nzambi mmuakane, katu ne kansungansunga to.​—Dut. 10:17; Bien. 10:34, 35.

4. 13. Nzambi mmusue kutuambuluisha.​—Mis. 46:1; 145:18, 19.

DISAMBILA

1. 14. Nzambi utu musue bua tuikale tumulomba.​—Mis. 62:8; 65:2; 1 Pet. 5:7.

2. 15. Bible udi utulongesha mutudi mua kusambila.​—Mat. 6:7-13; Luka 11:1-4.

3. 16. Tudi ne bua kusambila misangu yonso.​—Mat. 7:7, 8; 1 Tes. 5:17.

YEZU

1. 17. Yezu uvua mulongeshi munene wakafila mibelu itshidi yambuluisha lelu.​—Mat. 6:14, 15, 34; 7:12.

2. 18. Yezu ukavua mumanyishe malu atudi tumona enzeka lelu.​—Mat. 24:3, 7, 8, 14; Luka 21:10, 11.

3. 19. Yezu mMuana wa Nzambi.​—Mat. 16:16; Yone 3:16; 1 Yone 4:15.

4. 20. Yezu ki nNzambi Wa Bukole Buonso to.​—Yone 14:28; 1 Kol. 11:3.

Based on NASA/Visible Earth imagery

BUKALENGE BUA NZAMBI

1. 21. Bukalenge bua Nzambi mmbulamatadi mulelela wa mu diulu.​—Dan. 2:44; 7:13, 14; Mat. 6:9, 10; Buak. 11:15.

2. 22. Bukalenge bua Nzambi nebupingane mbulamatadi ya bana ba bantu panu apa.​—Mis. 2:7-9; Dan. 2:44.

3. 23. Anu Bukalenge bua Nzambi ke buajikijila bukua bantu ntatu.​—Mis. 37:10, 11; 46:9; Yesh. 65:21-23.

MAKENGA

1. 24. Nzambi ki ngutu utukebela makenga to.​—Dut. 32:4; Yak. 1:13.

2. 25. Satana ke mukokeshi wa buloba ebu.​—Luka 4:5, 6; 1 Yone 5:19.

3. 26. Nzambi utu ukuelela meji paudi ukenga.​—Mis. 34:17-19; Yesh. 41:10, 13.

4. 27. Nzambi neajikije makenga mu katupa kîpi emu.​—Yesh. 65:17; Buak. 21:3, 4.

LUFU

1. 28. Bafue ki mbamanye bualu; kabatu bakenga to.​—Muam. 9:5; Yone 11:11-14.

2. 29. Bafue kabena mua kutuambuluisha anyi kutuenzela bibi to.​—Mis. 146:4; Muam. 9:6, 10.

3. 30. Bafue nebabishibue ku lufu.​—Yobo 14:13-15; Yone 5:28, 29; Bien. 24:15.

4. 31. “Lufu kaluakuikalaku kabidi.”​—Buak. 21:3, 4; Yesh. 25:8.

BITENDELELU

1. 32. Bitendelelu bia bungi kabiena bisankisha Nzambi to.​—Yel. 7:11; Mat. 7:13, 14, 21-23.

2. 33. Nzambi mmukine lubombo.​—Yesh. 29:13; Mika 3:11; Mâko 7:6-8.

3. 34. Dinanga dia bushuwa ke tshimanyinu tshia tshitendelelu tshilelela.​—Mika 4:3; Yone 13:34, 35.