“Ulame mutshima webe”

Mpungilu wa distrike wa Bantemu ba Yehowa

TSHIENA-BUALU TSHIA MU DITANU

“Yehowa udi utangila mu mutshima”​—1 SAMUELE 16:7.

TSHIENA-BUALU TSHIA MU DISAMBOMBO

‘Mukana mudi muamba anu malu adi muwule mu muoyo’​—MATAYO 12:34.

TSHIENA-BUALU TSHIA MU DIA LUMINGU

‘Ukuatshile Yehowa mudimu ne muoyo mutoke’​—1 KULONDOLOLA 28:9.

Bible udi wakula bua mutshima misangu mitue ku tshinunu. Kadi mu miaba ya bungi, Bible udi wakula bua mutshima wa mu tshimfuanyi. Mutshima wa mu tshimfuanyi ntshinyi? Muaku eu udi mua kumvuija tshidi muntu munda, meji adiye wela munda muende, mudiye udiumvua ne majinga ende.

Bua tshinyi tudi ne bua kulama mutshima wetu wa mu tshimfuanyi? Nzambi wakasaka mukalenge Solomo bua kufunda ne: ‘Ulame mutshima webe ne dilama dionso, bualu bua munda muawu mudi mupatuka mishimi yonso ya muoyo.’ (Nsumuinu 4:23) Tshitudi mpindieu ne tshituikale mu matuku atshilualua tshidi bilondeshile mudi mutshima wetu wa mu tshimfuanyi. Bua tshinyi? Bualu Nzambi udi umona tshidi mu mutshima anyi mu muoyo wetu. (1 Samuele 16:7) Tshitudi munda muetu anyi ‘muntu musokome wa mu mutshima’ ke udi utuleja mudi Nzambi utumona.​—1 Petelo 3:4.

Mmunyi mutudi mua kulama mutshima wetu? Nebumvuije bimpe diandamuna dia lukonko elu mu mpungilu wa distrike wikala Bantemu ba Yehowa mua kuenza pa buloba bujima mu ngondo eu. Tudi ne disanka dia kukubikila bua ubuele mu matuku onso asatu a mpungila eu.a Malu awalongamu neakuambuluishe bua wewe kuenza malu adi asankisha mutshima wa Yehowa.​—Nsumuinu 27:11.

Katuenaku mua kulua kukutangila anyi?

Nansha mudi malu manyanguke lelu, udi mua kupeta disanka didi difumina ku dimanya dijalame dia Nzambi, dia Bukalenge buende ne dia malu malenga adiye mulongoluele bantu didi Bible ufila. Biwikala musue kumanya malu makuabu anyi musue bua muntu alue kukutangila bua kulonga nebe Mukanda wa Nzambi kuyi ufuta kantu, udi mua kumonangana ne Bantemu ba Yehowa ba muaba uudi musombele anyi kubafundila ku enternete mu adrese eu: www.jw.org.