Muntu udi mua kushala ne muoyo kashidi anyi?

TSHIDI BIBLE WAMBA

“Bantu bakane nebapiane buloba, nebasombapu bua kashidi.”​—MISAMBU 37:29.

MUDI MVESE EU MUA KUKUAMBULUISHA

Wewe ne dîku dienu ne balunda bebe nenupete disanka ne ditalala mu nsombelu wenu matuku atshilualua.​—YELEMIYA 29:11.

Neushale ne muoyo kashidi mu masanka; muoyo udi kawuyi anu wa tshitupa tshîpi to.​—MISAMBU 22:26.

MBIMPE KUITABA MALU ADI BIBLE UTULAYA ANYI?

Eyowa. Bua kumvua ne: bidi nanku, tangila malu adi atujadikila bualu ebu mu malongesha 3 adi mu broshire eu. Malongesha au ngowu aa:

• Mudi Bible mua kukuambuluisha

• Bible udi ukupetesha ditekemena dia malu mimpe

• Mbimpe kuitaba malu adi Bible wamba anyi?