Tuendayi ne Yehowa dituku dionso

1. Tupie Tatuetu ku tshianza,

Tuende nende dituku dionso;

Si mmuteke ngasa wende

Bua badi bamukeba bonso.

Bua dinanga mmutuoluele

Tshianza bua tuende nende.

Nanku tudilambulayi;

Yehowa ngutuenda nende.

2. Mukadi nshikidil’ulua,

Tshia Satana nkutupambuisha.

Ke mutudi ne buluishi

Bua bufuane kututshinyisha.

Kadi Nzambi mmutulame,

Tuend’anu nende pamue;

Bua kumusadila bimpe,

Tumunange ne muoy’umue.

3. Nzambi mmutuambuluishe ne

Nyuma wende ne Dîyi diende,

Ne diumvua milombu yetu,

Kabidi ne tshisumbu tshiende.

Bituashala tuenda nende,

Yeye n’atufikishe

Ku lulamatu, buakane,

Ku dienda ne bupuekele.