Disambila dia kuela Nzambi tuasakidila

1. Yehowa wa luse, wa butumbi,

tudi tubandisha mêyi kûdi.

Ne tudi balue kukukukuila

bua utukubaku ne dinanga.

Bilema bietu mbia butekete;

nunku tudi tukulomba luse.

Mashi a Yezu akatusumba.

Tudi basue wewe kutuyisha.

2. Ba disanka mbaudi ubueja

miaba yebe ya kubayishila.

Tulongeshaku bua tukumanye,

netusombe mu ntempelo webe.

Udi ne bukole bua dikema,

upapa bantu bebe dikima.

Bumfumu buebe mbutuatumbisha.

Disanka dietu ndia kubuyisha.

3. Utulame bua tuetu tusanke,

bua ntendelelu webe atante.

Bukalenge buebe se mbulenga,

nebumbushe lufu ne makenga.

Bubi buonso Kristo n’ajikije,

bifukibua bionso nebisanke.

Tutue tshianga, tuimbe bikole ne:

‘Mukalenge Yehowa atumbe!’