LUKONKO 2
Mmushindu kayi uudi mua kumanya Nzambi?
“Mukanda wa Mikenji eu kawumbuki mukana muebe to; udi ne bua kuwubala ne dîyi dia panshi panshi munya ne butuku, bua utumikile ne muoyo mujima malu onso adibu bafundamu; bualu dîba adi malu ebe neende bimpe, ne dîba adi newenze malu ne meji.”
“Bakatungunuka ne kubala mukanda ne dîyi dikole, babala Mikenji ya Nzambi mulelela, bayumvuija bimpe menemene ne bayijinguluila bantu; nunku bakambuluisha bantu bua kumvua malu avuabu babala.”
“Wa diakalenga mmuntu udi kayi wenda bilondeshile lungenyi lua bantu babi . . . , kadi disanka diende didi mu mikenji ya Yehowa, ne udi ubala mikenji Yende ne dîyi dia panshi panshi munya ne butuku. . . . Malu onso adiye wenza neende bimpe.”
“Filipo wakaya wenda unyema ku luseke lua ditempu, kumumvuaye ubala mukanda wa muprofete Yeshaya ne dîyi dikole, ke kumukonkaye ne: ‘Udi mumanye bushuwa bualu buudi ubala abu anyi?’ Wakamba ne: ‘Bulelela, mmunyi mundi mua kubumanya bikala muntu kayi mundudike?’”
“Bualu ngikadilu yende idi kayiyi imueneka idi imueneka bimpe katshia buloba buafukibua, bualu badi bayijinguluila ku bintu bidi bifukibue, nansha kabidi bukole buende bua tshiendelele ne Bunzambi buende; ke bualu kayi kabena ne tshia kudibingisha natshi nansha.”
“Elela malu aa meji; udifilaku ne muoyo webe mujima, bua bantu bonso bamone patoke muudi uya kumpala.”
“Tuelelanganayi kabidi meji bua kusakangana ku dinanga ne ku bienzedi bimpe, katuyi tulekela kudisangisha kuetu pamue.”
“Bikala umue wa kunudi mupangile meji, atungunuke ne kualomba kudi Nzambi, bualu yeye udi upesha bantu bonso ne tshianza tshilekelela, kayi ubatobolola, ne nebamupeshawu.”