MUA KUPETA DISULAKANA KU TUNYINGANYINGA
Udi mua kupeta nsombelu udi kayi ne tunyinganyinga
Meji adi mu Bible adi mua kutuambuluisha bua kuepuka tunyinganyinga tua bungi tua patupu. Tuetu nkayetu katuena mua kujikija malu onso adi atukebela tunyinganyinga to. Kadi Mufuki wetu udi mua kuajikija. Ukadi musungule muntu bua kutuambuluisha. Muntu au n’Yezu Kristo. Mu katupa kîpi emu, neenze malu mimpe a bungi pa buloba bujima kupita avuaye muenze pavuaye ne muoyo pa buloba. Tshilejilu:
YEZU NEONDOPE BANTU BADI BASAMA ANU MUVUAYE MUENZE.
“Bakamutuadila bantu bonso bavua bakenga ne masama ne ntatu mishilashilangane . . . , yeye kubondopa.”—MATAYI 4:24.
YEZU NEAPESHE BANTU BONSO MUABA WA KULALA NE BIAKUDIA.
“Nebase [mmumue ne: bantu bikale Kristo ne bua kulombola] nzubu ne nebasombelamu, ne nebadime madimi a tumuma tua mvinyo ne nebadie tumuma tuawu. Kabakuibaka bua muntu mukuabu asombelamu, ne kabakukuna bintu bua bantu bakuabu babidie.”—YESHAYA 65:21, 22.
MU BUKOKESHI BUA YEZU DITALALA NE BUKUBI NEBIKALE PA BULOBA BUJIMA.
“Mu matuku ende muntu muakane neatante, ne ditalala nedivulangane too ne pikala ngondo katshiyiku kabidi. Yeye neikale ne badi bamukokela kumbukila ku mbuu too ne ku mbuu mukuabu ne kumbukila ku Musulu too ne ku ntengu ya buloba. . . . Bena lukuna bende nebalake lupuishi.”—MISAMBU 72:7-9.
YEZU NEAJIKIJE MALU MABI.
“Yeye neumvuile bapuekele ne bapele luse, ne yeye neapandishe mioyo ya bapele. Neabasungile ku dikengeshibua ne ku tshikisu.”—MISAMBU 72:13, 14.
YEZU NEAJIKIJE TOO NE MAKENGA NE LUFU.
“Lufu kaluakuikalaku kabidi, nansha madilu, nansha mbila ya miadi, nansha bintu bidi bisama kabiakuikalaku kabidi.”—BUAKABULUIBUA 21:4.