Buloba budi mu kayumbayumba: Tshia kuenza ntshinyi?
Udi umvua ne: ntatu idi mitua ntanga tshibua pa buloba idi ikutatshisha bikole kupita kumpala anyi? Ku ntatu idi ilonda eyi, ndutatu kayi luudi umona muaba uudi musombele?
mvita ya bingoma
bipupu bia masama
dikanka dia buloba ne disapalala dia mâyi
bupele
kansungansunga
tshikisu
Bantu ba bungi batu ntatu mikole menemene ikuata batu bumvua bibi, badiumvua bashikile. Patu ntatu ikuata bamue bantu, batu bumvua bibi bia menemene, kabayi badimanya tshidibu dîba adi to. Batu bashala ne kanyinganyinga kakole, bibatshiokesha ne mu lungenyi, bienza bua malu abu anyanguke kabidi bikole.
Padiku kayumbayumba, enza muebe muonso bua kukuba balela bebe, makanda ebe a mubidi, bintu biebe bia ku mubidi, ne kuenza bua ulame anu disanka diebe.
Ntshinyi tshiudi mua kuenza bua umone lutatu ludi kayumbayumba ka mu buloba ebu kakukebele bu bualu bukese?