Mmunyi mutudi bapandishibue ku mpekato ne ku lufu?

35 Udi muvuluke bua se Adame, mulume wa kumpala, wakenza mpekato. Wakajimija muoyo uvuaye nawo mu mparadizu, ne tuetu bonso tudi tufua, bualu tudi bana bende. —Lomo 5:12; 3:23

36 Tuvua ne bua kupeta muoyo mupuangane anu bu bikala muntu mupuangane mufile muoyo wende bua bualu buetu, bua kutupikula ku lufu.—1 Kolinto 15:45; Lomo 5:19, 21

37 Yezu uvua Muana wa Nzambi. Uvua muntu mupuangane. Kavua muenze mpekato.—Ebelu 5:9; 7:26

38 Wakadifila bua kumushipabo kudi bantu bavua kabayi banange Nzambi. —Bienzedi 2:23

Wakadilambula bua bualu buetu. —1 Timote 2:6

39 Bakateka mubidi wa Yezu mu lukita luvuabo bumbule mu lubuebue. Yezu wakashalamu mufue munkatshi mua matuku asatu, pashishe Nzambi e kumubishaye.—Bienzedi 2:24

40 Wakapingana mu diulu. Udi mua kulomba Nzambi mpindieu bua kuambuluishaye badi batumikila Nzambi. —Ebelu 9:24; 1 Yone 2:1, 2