TSHITUPA 1

Mmunyi mutudi mua kuteleja Nzambi?

Nzambi udi utuambila malu ku diambuluisha dia Bible. 2 Timote 3:16

Nzambi musombe mu nkuasa wende wa Bukalenga mu diulu, upesha bantu nyuma wende bua kufunda Bible

Nzambi mulelela wakalombola bantu bua kufundabu mêyi ende mu mukanda wa tshijila. Mukanda au ke Bible. Udi ne malu a mushinga mukole adi Nzambi musue bua umanye.

Nzambi mmumanye tshidi tshitambe buimpe buetu tuetu. Yeye ke udi mua kutupesha meji malelela. Wewe umuteleja, neupete meji a dikema.—Nsumuinu 1:5.

Bible mu miakulu ya bungi; muntu ubala Bible mu muakulu wende

Nzambi mmusue bua muntu yonso abale Bible. Bakaadi bamupatule mu miakulu ya bungi lelu.

Wewe musue kuteleja Nzambi, udi ne bua kubala Bible ne kumvua malu adimu.

Bantu ba miaba yonso badi bateleja. Matayo 28:19

Ntemu wa Yehowa ubadila muntu mvese, pashishe ulonga nende Bible

Bantemu ba Yehowa badi mua kukuambuluisha bua wewe kumvua Bible.

Batu balongesha malu malelela a Nzambi pa buloba bujima.

Bisangilu bienzekela ku Nzubu wa Bukalenge wa Bantemu ba Yehowa

Kabakukulomba tshintu nansha tshimue bua wewe kumulonga to. Wewe uya ku Nzubu wa Bukalenge wa Bantemu ba Yehowa udi pabuipi nenu, neumanye Nzambi bimpe kabidi.