Diumvuija dia Tshitupa tshia 14

Bena Kristo ba kumpala bakamuangalaja lumu luimpe lua Bukalenge, kulufikishabu too ne miaba ya kule ya pa buloba. Yezu wakabambila miaba ya kuyishabu, kubapeshaye bukole mu tshishima bua kulongesha bantu mu miakulu yabu. Yehowa wakabapesha dikima ne bukole bua kutantamena buluishi bukole.

Yezu wakaleja mupostolo Yone butumbi bua Yehowa mu tshikena kumona. Mu tshikena kumona tshikuabu Yone wakamona Bukalenge bua mu diulu butshimuna Satana ne bujikija bukokeshi buende kashidi. Yone wakamona Yezu ukokesha bu Mukalenge ne bakokeshi nende binunu 144. Wakamona kabidi buloba bujima bulua mparadizu, ne bantu bonso batendelelamu Yehowa mu ditalala ne mu buobumue.