“Mifuba miume” ne “Bantemu babidi” bidi bipetangana mushindu kayi?

MÊYI a buprofete abidi a “mifuba miume” ne “bantemu babidi” akakumbana mu 1919. Tshikena kumona tshia “mifuba miume” tshivua tshiakula bua tshikondo tshile (tshivua tshienze nkama ya bidimu) tshiakajika ne dipetulula muoyo dia tshisumbu tshinene tshia bantu ba Nzambi. (Yeh. 37:2-4; Buak. 11:1-3, 7-13) Mêyi a buprofete a “bantemu babidi” wowu avua akula bua tshikondo tshîpi tshivua ne bua kujika pavua kasumbu kakese ka bantu ba Nzambi kapetulula muoyo (akakumbana kutuadijila ku ndekelu kua 1914 too ne ku ntuadijilu kua 1919). Mêyi a buprofete abidi aa avua akula bua dibishibua ku lufu dia mu tshimfuanyi, ne bubidi buawu mmakumbane matuku etu aa mu 1919 pavua Yehowa muenze bua bela manyi bende ‘bimane ne makasa abu,’ bumbuke ku bupika bua Babilona munene, ne badisange pamue mu tshisumbu tshivuaye mujadikulule.​—Yeh. 37:10.

Kadi mona ne: kudi dishilangana dinene mu dikumbana dia mêyi a buprofete abidi aa. Mêyi a buprofete a “mifuba miume” avua akula bua dipetulula muoyo dia bashadile bela manyi bonso. Kadi a “bantemu babidi” avua wowu akula bua dipetulula muoyo dia bamue ba ku bashadile bela manyi bavua balombola bulongolodi bua Nzambi batekibue bu “mupika wa lulamatu udi mudimuke.”​—Mat. 24:45; Buak. 11:6.a

“Tshibandabanda, . . . tshiuwule tente ne mifuba”​—Yeh. 37:1

1. PANYIMA PA 100 P.Y.

   Kutuadijila mu bidimu bia 100 P.Y., bavua bashipe tshisumbu tshia bena Kristo bela manyi mu tshimfuanyi, nunku “tshibandabanda” tshivua tshiuwule tente ne “mifuba”

2. KU NTUADIJILU KUA 1919

   1919: “Mifuba miume” yakapetulula muoyo pavua Yehowa muenze bua bela manyi bapatuke mu Babilona Munene ne badisange pamue mu tshisumbu tshivuaye mujadikulule

“Bantemu babidi”​—Buak. 11:3

1. KU NDEKELU KUA 1914

   bayisha bavuale “bilamba bikayabale”

   1914: “Bantemu babidi” bavua bayisha bavuale bilamba bikayabale munkatshi mua bidimu bisatu ne tshitupa. Pakajika bidimu abi, bakabashipa mu tshimfuanyi

2. lufu lua mu tshimfuanyi

3. KU NTUADIJILU KUA 1919

   1919: “Bantemu babidi” bakapetulula muoyo pavua kasumbu ka bela manyi kavua kalombola bulongolodi bua Nzambi katekibue bu “mupika wa lulamatu udi mudimuke”