Nkadi mudiakaje anyi?
Nkadi mudiakaje bua kuyisha ne tshisumbu anyi?
Ukadi pamuapa mudiakaje bua kulua mumanyishi udi kayi muanji kubatijibua biwikala . . .
Ne tshibidilu tshia kulonga Bible, kusambila, ne kubuela mu bisangilu bia tshisumbu.
Munange malu audi ulonga, uitaba, ne musue kuambila bakuabu.
Munange Yehowa ne mudie bulunda ne badi bamunange.
Mulekele malu a tshididi ne mupatuke mu bitendelelu bia dishima.
Utumikila mikenji ya Yehowa mu nsombelu webe ne musue kulua Ntemu wa Yehowa.
Wewe mumone ne: ukadi mudiakaje bua kuyisha pamue ne tshisumbu, mulongeshi webe wa Bible udi mua kukutuangaja ne bakulu bua bayukile nebe.
Nkadi mudiakaje bua kubatijibua anyi?
Ukadi pamuapa mudiakaje bua kubatijibua biwikala . . .
Mumanyishi udi kayi muanji kubatijibua.
Uyisha pa tshibidilu ne muoyo webe wonso.
Wambuluisha “mupika wa lulamatu udi mudimuke” ne ulonda mibelu idiye ufila.—Matayi 24:45-47.
Mumane kudilambula kudi Yehowa mu disambila ne musue kumuenzela mudimu bua kashidi.
Wewe mumone ne: ukadi mudiakaje bua kubatijibua, mulongeshi webe wa Bible udi mua kukutuangaja ne bakulu bua bayukile nebe.