Dîku
Yehowa ke muenji wa dîku
Baledi
Bala tshiena-bualu tshia “Baledi”
Batatu
Bala tshiena-bualu tshia “Batatu”
Bamamu
Bala tshiena-bualu tshia “Bamamu”
Balume, Bakaji
Bala tshiena-bualu tshia “Dibaka”
Bana ba balume ne ba bakaji
Yehowa mmusue bua bana benze tshinyi mu dîku?
Bua tshinyi bana badi ne bua kutumikila baledi babu?
Tshilejilu tshia mu Bible:
Mis 78:1-8—Bena Isalele bavua balondela bana babu malu avua bakambua babu benze bua beyemene Nzambi ne kabamutombokedi to
Luk 2:51, 52—Nansha muvua Yezu mupuangane, uvua anu utumikila baledi bende bapange bupuangane tshikondo tshionso tshivuaye muana
Bua tshinyi bidi mua kukolela bana bua kunemeka baledi babu?
Mmunyi mutu Nzambi umona bana badi kabayi batumikila baledi babu?
Tshilejilu tshia mu Bible:
Dut 21:18-21—Bilondeshile mikenji ya Mose, pavua muana ne tshitunu ne ulua ntomboji katshiyi unemeka baledi bende, bavua ne bua kumushipa
2Bk 2:23, 24—Pavua tshisumbu tshia bana ba balume baseke muprofete Elisha uvua muleji mpala wa Nzambi, bakashipa ba bungi ba kudibu kudi nyama ibidi ya urse
Mmunyi mudi baledi ne bua kumona mudimu wabu wa kukolesha bana?
Tshilejilu tshia mu Bible:
Lew 26:9—Bena Isalele bavua bamona dilela bana bu dibenesha dia kudi Yehowa
Yob 42:12, 13—Bu muvua Yobo mushale ne lulamatu mu lutatu lukole luvuaye nalu, Yehowa wakamubenesha, kumupeshaye yeye ne mukajende bana bakuabu 10
Yehowa mmusue bua bana ba muntu benzelangane malu mushindu kayi?
Tshilejilu tshia mu Bible:
Gen 27:41; 33:1-11—Yakoba wakanemeka muanabu Esau, kukebaye nende ditalala, pashishe Esau pende kumuenzelaye malu ne dinanga
Bana bakadi bakole badi ne dibanza kayi kudi baledi babu ne bakakuabu?
Tshilejilu tshia mu Bible:
Gen 11:31, 32—Pavua Abalahama mumuangale mu Ula, wakaya ne tatuende Tela, kumutabalelaye too ne pakafuaye
Mat 15:3-6—Yezu wakatela mikenji ya Mose bua kuleja ne: bana bakadi bakole badi ne bua kuambula bujitu bua baledi babu
Baku
Bala tshiena-bualu tshia “Baku”
Bakaku
Bala tshiena-bualu tshia “Bakaku”