Dibuikidilangana

Tshilejilu tshia mu Bible:

• Mis 78:40, 41; 106:36-46—Nansha muvua bena Isalele banyingalaje Yehowa misangu ne misangu, wakababuikidila njila ne njila

• Luk 15:11-32—Yezu wakafila tshilejilu tshia tatu wa luse uvua mubuikidile muanende uvua muenze malu mabi pavuaye munyingalale bua kuleja mutu Yehowa ufuilangana luse

Tshilejilu tshia mu Bible:

• Eb 9:22-28—Mupostolo Paulo wakaleja ne: Yehowa udi utubuikidila mpekatu bualu Yezu wakatufuila

• Bua 7:9, 10, 14, 15—Mupostolo Yone wakafunda ne: Nzambi udi ubuikidila bena mu “musumba munene” mpekatu bualu badi bitabuja mulambu wa Yezu

Tshilejilu tshia mu Bible:

• Yob 42:7-10—Kumpala kua Yehowa kujikija lutatu lua Yobo, kumuondapa ne kumubenesha, wakamulomba bua asambidile balunda bende basatu bavua bamuambe mêyi mabi

• Mat 18:21-35—Yezu wakalonda bualu budi buleja ne: tuetu basue bua Yehowa atufuile luse, tudi ne bua kulufuilangana petu

Tshilejilu tshia mu Bible:

• Mis 32:1-5; 51:1, 2, 16, 17—Pavua mukalenge Davidi muenze mpekatu minene, wakadiumvua musunsuke ne muzajike, yeye kunyingalala ne muoyo mujima

• Yak 5:14-16—Yakobo wakumvuija ne: tuetu benze mpekatu tudi ne bua kuambila bakulu

Tshilejilu tshia mu Bible:

• 1Bk 21:27-29; 2Ku 18:18-22, 33, 34; 19:1, 2—Yehowa wakafuila mukalenge Ahaba luse bua muvuaye mudipuekeshe pavuabu bamulumbuluisha; kadi kavua munyingalale ne muoyo mujima to, nunku bu mutshivua Yehowa umumona bu muntu mubi wakamushipesha

• 2Ku 33:1-16—Nansha muvua Manashe mukalenge mubi mutambe, Yehowa wakamufuila luse pavuaye munyingalale. Pashishe wakadienzeja bikole bua kuambuluisha bena Isalele bua batendelele anu Yehowa, kabatendeledi mpingu to

Tshilejilu tshia mu Bible:

• 2Sm 12:13; 24:1; 1Bk 9:4, 5—Nansha muvua Davidi muenze mpekatu minene, Yehowa wakamufuila luse pavuaye munyingalale, pashishe wakalua kuamba muvuaye muntu wa muoyo mutoke

Tshilejilu tshia mu Bible:

• Mat 26:36, 40, 41—Nansha muvua bayidi ba Yezu balale dîba divuaye ukengela diambuluisha diabu, Yezu uvua mumanye mikalu yabu bimpe

• Mat 26:69-75; Luk 24:33, 34; Bz 2:37-41—Pavua Petelo muvile Yezu misangu isatu wakanyingalala, Yezu kumufuilaye luse; pashishe pavuaye mubishibue ku lufu wakamumuenekela, yeye kumupesha midimu ya pa buayi mu tshisumbu

Tshilejilu tshia mu Bible:

• Mat 23:29-33—Yezu wakadimuija bafundi ne Bafalese ne: kabakunyema dilumbuluisha dia Ngena anyi kabutu ka kashidi to

• Yne 17:12; Mâk 14:21—Yezu wakabikila Yudasa Isakaliote ne: “muana wa dibutuka,” kulejaye kabidi ne: bivua mua kuikala bitambe buimpe bu mutungidianganyi au kayi muledibue