MANDAMUNA A NKONKO YA MALU A MU BIBLE
Bupele kabuakuikala kabidi pa buloba apa anyi?
Mmunyi mumbusha Nzambi bupele pa buloba?—Matayi 6:9, 10.
Bupele bukole mbushipe bantu miliyo ne miliyo bua dipanga kudia bimpe ne masama. Nansha mudi amue matunga ne bubanji bua bungi, bantu ba mu matunga a bungi batshidi anu mu bupele bukole. Bible udi uleja ne: bupele buvua butuadije katshia ku kale ne butshidi butungunuka ne kuikalaku.—Bala Yone 12:8.
Bua kujikija bupele, bidi bikengela kuikala mbulamatadi wa pa buloba bujima. Mbulamatadi wa nunku udi ne bua kuikala ne bukole bua kuabanyina bantu bintu bidibu nabi dijinga pa buloba bujima ne kujikija mvita, bualu yoyi ke idi itamba kukebesha bupele. Nzambi mmulaye mbulamatadi wa mushindu eu.—Bala Danyele 2:44.
Nnganyi udi mua kujikija bupele?
Nzambi mmuteke Muanende Yezu bua kulombola bantu bonso. (Musambu 2:4-8) Yezu neapandishe bapele ne neajikije tunyinganyinga ne malu a tshikisu.—Bala Musambu 72:8, 12-14.
Anu mukavuabu bamanyishe, Yezu “Mukalenge wa ditalala” neateke ditalala ne bukubi pa buloba bujima. Nunku bantu bonso ba pa buloba nebikale ne yabu nzubu, midimu mimpe ne biakudia bia bungi.—Bala Yeshaya 9:6, 7; 65:21-23.