Nditekemena kayi didiku bua bafue?
Lufu ludi lutukuata tuetu bonso. Kadi lufu ke ndekelu wa malu onso anyi? Bafue, mbabapue muoyo kashidi anyi? Kudiku ditekemena bua bafue anyi?
MONA TSHIDI BIBLE WAMBA
KI MBAPUE BAFUE MUOYO TO
“Bantu bonso badi mu nkita ya tshivulukilu . . . nebapatuke.”—Yone 5:28, 29.
Nzambi mmuvuluke bafue; aba badi mu meji ende nebabishibue.
NEKUIKALE DIBISHIBUA DIA BANTU KU LUFU PA BULOBA
“Nekuikale dibishibua dia bantu ku lufu, dia bakane ne dia badi kabayi bakane.”—Bienzedi 24:15.
Bantu miliyare ne miliyare nebabishibue ne ditekemena dia kuikala ne muoyo kashidi mu ditalala divule.
KUDI DITEKEMENA DIA DIBISHIBUA DIA BANTU KU LUFU
Nzambi “udi ubala bungi bua mitoto; udi uyibikila buonso buayi mu mêna ayi.”—Misambu 147:4.
Bu mudi Nzambi ne bukokeshi bua kubikila mitoto yonso mu mêna ayi, udi mua kuvuluka bipepele bantu babishaye ku lufu.