Mua kubanga muyuki

Mua kutuadija kulonga Bible ne bantu: Disambombo dia kumpala dia ngondo wa 9

“Bantu ba mu matunga ne bitendelelu bia bungi batu basambila. Buebe wewe, Nzambi utu uteleja ne wandamuna masambila onso anyi?” [Lekela muntu andamune.] Pashishe upeshe muntu Tshibumba tshia Nsentedi tshia dia 1/9/2011. Balayi nende malu adi mu ka mutu ka bualu ka kumpala kadi mu dibeji dia 16, ne mvese nansha umue. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/9

Leja muntu tshizubu tshia tshibejibeji; umuebeje ne: “Udi mua kuandamuna tshinyi ku lukonko elu?” [Lekela muntu andamune.] Tangila tshidi Mukanda wa Nzambi wamba. [Bala 1 Yone 5:19.] Bilondeshile mvese eu, “mubi” anyi Diabolo ke udi ukokesha buloba ebu. Kadi kudi nkonko idi ijuka. Diabolo mmufimine penyi? Mmuntu mulelela anyi? Nzambi neamulekele ukokesha too ne dîba kayi? Mukanda eu udi uleja tshidi Bible wamba.”

Réveillez-vous! Ngondo wa 9

“Bantu ba bungi batu basama mutu lelu bua malu a makuta. Buebe wewe, bua tshinyi mbikole bua kufikisha ne makuta ku ndekelu kua ngondo? [Lekela muntu andamune.] Mukanda wa Nzambi udi ne mibelu milenga itu miambuluishe bantu ba bungi bua malu a makuta. [Bala mvese umue ku idi mu dibeji dia 8-9.] Mukanda eu udi upesha bantu badi ne mabanza mibelu mimpe.”